Pieršy śnieh čakajecca ŭ aŭtorak abo sieradu, tamu spravaj treba zaniacca na hetych vychadnych.
Akramia zamieny ryziny, varta pravieryć spraŭnaść tarmazoŭ, far, škłoačyščalnikaŭ, pryładaŭ abahravańnia i abdzimańnia škła. Lubyja chiby pavialičvajuć ryzyku zdareńnia.
Taksama pamiatajcie pra toje, što ŭ śniežnyja i maroznyja dni chutkaść ruchu na darohach źnižajecca, tamu treba vyjazdžać na pracu i vučobu zahadzia, kab nie pieravyšać biaśpiečnuju chutkaść ruchu.
Strymany styl kiravańnia na vilhotnaj i zaledzianiełaj darozie apraŭdvaje siabie. Varta ŭnikać vyjezdu na pałasu sustrečnaha ruchu, rezkich razhonaŭ i tarmažeńniaŭ.
Piešachodam ža varta pamiatać, što aŭtamabil nielha spynić imhnienna. Tarmazny šlach na śniezie pavialičvajecca, mašynu časta niasie abo zanosić.
U ščaślivuju darohu!
Kamientary