Staršynia Rady BNR Ivonka Surviła źviarnułasia ź vinšavańniem z nahody Kaladaŭ i novaha 2014 hoda.
Darahija Surodzičy!
Vinšuju vas z nadychodziačymi Śviatami Božaha Naradžeńnia i z Novym 2014 Hodam, i žadaju vam usiaho najlepšaha. Z hłybini serca žadaju, kab «Uładar vialikich soncaŭ» pasłaŭ «pramieńnie Svaje chvały» na naš pryhožy kraj.
Adnačasna, chaču padzialicca z vami słovami Alberta Ejnštejna, jakija mianie mocna ŭrazili. Ejnštejn kazaŭ, što «śviet jość niebiaśpiečnym nia stolki dziela tych, što robiać zło, jak dziela tych, što hladziać na heta i nie reahujuć». Prystasavaŭšysia da abstavinaŭ, jany hladziać abyjakava na pakuty achviaraŭ złačynstvaŭ, u spadziavańni što zło źniknie samo saboj.
Na parozie Novaha Hodu, źviartajusia da vas, darahija surodzičy, z prośbaj zadumacca nad hetymi słovami Alberta Ejnštejna.
Chto budzie vas baranić, kali vam zrobicca niaznosnym ździek nad vami i nad vašymi dzietkami z boku nialudzkaha režymu? U historyi nia raz byvała, što ludzi pračynalisia zapozna. Nia budźcie ž abyjakavymi da taho, što robicca vakoł vas. Dałučajciesia da tych, chto baronić vašaje prava žyć u svabodzie.
Rasiejskija vajskovyja bazy, jakija zrobiać vas achviarami luboha vajennaha sutyknieńnia, AES, jakaja budujecca čužymi rukami na čužuju karyść, biudžetnyja źmieny na karyść siłavych struktur za košt apłaty patrebaŭ rešty nasielnictva dy raźvićcia našaje kultury i zachavańnia nacyjanalnaje spadčyny, zamiena biełaruskaha nasielnictva na inšarodnych prychadniaŭ – tak jak heta ŭžo rabiła Maskoŭskaja imperyja – usio heta pryčyny, kab nia być abyjakavymi. Ale pačać možna ad najbolš vidavočnaha. Kolki času jašče šmatviekavy eŭrapiejski narod budzie taleravać, kab jahony kraj nazyvali apošniaj dyktaturaj Eŭropy? Kolki času jašče treba budzie čakać, kab u Biełarusi nie było palitviaźniaŭ i čuć abrazy pad ich adrasam, što maŭlaŭ heta zvyčajnyja złačyncy? Kožny hramadzianin Biełarusi maje prava vymahać, kab jaho traktavali, jak čałavieka, a abaviazak hramadztva jość jaho padtrymać.
Darahija Surodzičy, jašče raz žadaju, kab hety hod byŭ dla vas pamysnym i plonnym. Ja mocna vieru, što z Božaj dapamohaj, razam, i my zmožam dasiahnuć metu kožnaha raźvitaha narodu – zaniać pačesnaje miesca ŭ siamji čałaviectva.
Žyvie Biełaruś!
Ivonka Surviła
Staršynia Rady Biełaruskaj Narodnaj Respubliki.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary