Navahodni karparatyŭ hubiernatara Murmanskaj vobłaści Rasii Maryny Koŭtun ŭ načnym kłubie zaviaršyŭsia masavaj bojkaj, paviedamlajuć ŚMI i błohiery sa spasyłkaj na pravaachoŭnyja orhany rehijonu.
Jak raspavioŭ infarmacyjnamu ahienctvu FlashNord adzin z udzielnikaŭ mierapryjemstva, pieršaja bojka adbyłasia pamiž deputatami i členami abłasnoha ŭrada z-za taho, što «niekatoryja vyrašyli vyśvietlić, čamu deputatu nie dali praśpiavać pieśniu».
Jak paviedamlaje «Błohier 51» z Murmanska, u chodzie jašče adnoj bojki ŭładalnik miascovaha telekanała «TNT-Blic» Vasil Pimin raźbiŭ plašku ab hałavu namieśnik dyrektara «Rasatamfłota» Mustafy Kaški.
Paviedamlajecca, što Kaška zafiksavaŭ paboi i napisaŭ zajavu ŭ palicyju. U pres-słužbie rehijanalnaha ŭpraŭleńnia MUS RF paćviardžajuć atrymańnie zajavy «ad adnaho z udzielnikaŭ mierapryjemstva ab pryčynieńni jamu pabojaŭ».
Jašče niekalki drobnych sutyčak adbyłosia ŭ chole načnoha kłuba, ale ŭsie jany zaviaršylisia prymireńniem bakoŭ. Na miesca zdareńnia pryjechali niekalki naradaŭ palicyi, adnak nikoha nie zatrymlivali.
Pa dadzienych FlashNord, usiaho na navahodni pryjom byli zaprošany kala 150 pradstaŭnikoŭ abłasnoha ŭrada, deputackaha korpusa, dziaržkampanij, siłavych orhanaŭ i prosta viadomych ludziej rehijonu.
Jak paviedamili ŭ pres-słužbie abłasnoha ŭrada, «hubiernatar Maryna Koŭtun nie čakała takoha i pakinuła mierapryjemstva, jak tolki pačałasia pieršaja bojka».
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary