U Kanadzie padtrymali Jeŭramajdan: Nijaharski vadaspad staŭ sinia-žoŭtym
Ukraincy Kanady sabrali svoj Jeŭramajdan na Nijaharskim vadaspadzie.
Na znak salidarnaści z narodam Ukrainy jany zaśviacili samy vialiki ŭ Paŭnočnaj Amierycy vadaspad sinie-žoŭtymi ahniami.
Svoj pratest suprać źbićcia žurnalistki Taćciany Čarnavoł vykazali i ŭkraincy ZŠA. U padtrymku žurnalistki i aktyvistki Jeŭramajdana vyjšli ŭkraincy Fiładelfii.
U Lisabonie i Ałbufejry znoŭ sabralisia ŭkraincy, salidarnyja z prysutnymi na Jeŭramajdanie. Jany stvaryli abjadnańnie «Jeŭramajdan-Partuhalija».
Na abodvuch mitynhach u čarhovy raz vykazali padtrymku ŭkraincam u Kijevie łozunhami «Kijeŭ, my razam z vami!», trymali partrety Janukoviča, pieraviernutyja ŭniz hałavoj, malilisia i śpiavali himn Ukrainy. Taksama byli sabranyja achviaravańni ŭ padtrymku Jeŭramajdana ŭ Kijevie.
Adnoj z pryčyn stvareńnia abjadnańnia ŭ Sajuzie ŭkraincaŭ u Partuhalii nazvali supraćdziejańnie «sprobam ambasady Ukrainy ŭ Partuhalii, zaručyŭšysia padtrymkaj łajalnych (zbolšaha prarasijskich arhanizacyj) pakazać partuhalskamu hramadstvu razychodžańni ŭ pohladach na padziei va Ukrainie siarod ukrainskaj abščyny ŭ Partuhalii».
A ŭkraincy Italii na płoščy Śviatoha Piatra ŭ Vatykanie zładzili ŭkrainskuju batlejku, jakuju nazvali «Kaladny Jeŭramajdan».
Kamientary