Украінцы Канады сабралі свой Еўрамайдан на Ніягарскім вадаспадзе.
На знак салідарнасці з народам Украіны яны засвяцілі самы вялікі ў Паўночнай Амерыцы вадаспад сіне-жоўтымі агнямі.
Свой пратэст супраць збіцця журналісткі Таццяны Чарнавол выказалі і ўкраінцы ЗША. У падтрымку журналісткі і актывісткі Еўрамайдана выйшлі ўкраінцы Філадэльфіі.
У Лісабоне і Албуфэйры зноў сабраліся ўкраінцы, салідарныя з прысутнымі на Еўрамайдане. Яны стварылі аб'яднанне «Еўрамайдан-Партугалія».
На абодвух мітынгах у чарговы раз выказалі падтрымку ўкраінцам у Кіеве лозунгамі «Кіеў, мы разам з вамі!», трымалі партрэты Януковіча, перавернутыя ўніз галавой, маліліся і спявалі гімн Украіны. Таксама былі сабраныя ахвяраванні ў падтрымку Еўрамайдана ў Кіеве.
Адной з прычын стварэння аб'яднання ў Саюзе ўкраінцаў у Партугаліі назвалі супрацьдзеянне «спробам амбасады Украіны ў Партугаліі, заручыўшыся падтрымкай лаяльных (збольшага прарасийскіх арганізацый) паказаць партугальскаму грамадству разыходжанні ў поглядах на падзеі ва Украіне сярод украінскай абшчыны ў Партугаліі».
А ўкраінцы Італіі на плошчы Святога Пятра ў Ватыкане зладзілі ўкраінскую батлейку, якую назвалі «Калядны Еўрамайдан».
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»25
Каментары