Labiedźku advieźli ŭ Kurapaty na chutkaści 140 km/h: My nieślisia jak varjaty
Lidara Abjadnanaj hramadzianskaj partyi čakaje sud.
Anatola Labiedźku vyzvalili tolki a 18:00. Pryčym, da hetaha jaho vyvieźli za miežy Minska.
Milicyjanty pa nieviadomych pryčynach spačatku dastavili palityka ŭ Kurapaty, a zatym — da budynka haradskoha krematoryja. Tolki paśla hetaha jaho vysadzili ŭ Viaśniancy, niedaloka ad doma. Pra heta Anatol Labiedźka raspavioŭ u intervju sajtu charter97.org.
«Mianie zatrymali ranicaj prykładna ŭ 10:30 kala doma. Supracoŭniki byli ŭ cyvilnym i nie pradstaŭlalisia, mabyć, śpiecnaz. Ja paśpieŭ kryknuć mužčynu, jaki stajaŭ pobač, chto ja i ŭ jakoj kvatery žyvu.
Paprasiŭ paviedamić rodnym. U hety čas mianie niekalki razoŭ udaryli pa nyrkach», — raspavioŭ palityk.
Anatola Labiedźku spačatku advieźli ŭ RUUS Savieckaha rajona Miensku, a potym — u aporny punkt milicyi, jaki znachodziŭsia pobač.
«Prykładna praz try hadziny paśla zatrymańnia byŭ składzieny pratakoł. Mianie abvinavacili ŭ arhanizacyi niesankcyjanavanaha mierapryjemstva 5 studzienia, kali my pravodzili zbor podpisaŭ, niahledziačy na toje, što heta nie rehłamientavana zakanadaŭstvam. Mianie pratrymali ŭ apornym punkcie bolš za try hadziny, nie davali skarystacca mabilnikam, kab źviazacca z advakatam i rodnymi», — rastłumačyŭ kiraŭnik AHP.
Paśla hetaha palityka pasadzili ŭ lehkavy aŭtamabil, adnak dadomu jon patrapiŭ nie adrazu.
«Na vialikaj chutkaści my vyjechali na MKAD. Jany nieślisia jak varjaty. Z chutkaściu prykładna 140 kiłamietraŭ u hadzinu mianie advieźli ŭ Kurapaty. Tam, kala «Bulbaš-choła» my raźviarnulisia i pajechali da krematoryja. Tolki da 18 hadzinaŭ mianie pryvieźli ŭ Viaśnianku. Dla čaho jany tak rabili — niezrazumieła. Łohiki ŭ hetym nijakaj niama, bo ŭžo było zrazumieła, što da suda ja zastanusia na voli», — skazaŭ Anatol Labiedźka.
Palityk adznačyŭ, što paśla składańnia pratakołu jamu ŭručyli pozvu ŭ sud. Praces nad im adbudziecca ŭ aŭtorak 14 studzienia. Jon pačniecca ŭ 10:00 u sudzie Savieckaha rajona Minska.
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary