Skandał u biełaruskim futbole, Kapski patrabuje pravieści rasśledavańnie
Staršynia praŭleńnia FK BATE źviarnuŭsia da zaŭziataraŭ kłuba i futbolnaj hramadskaści.
Tak Anatol Kapski zreahavaŭ na skandalnaje intervju hałkipiera salihorskaha «Šachciora» Juryja Cyhałki sajtu goals.by. U im futbalist, miž inšym, zhadaŭ zakančeńnie čempijanatu Biełarusi ŭ 2006 hodzie. U apošnim tury sustrakalisia bresckaje i minskaje «Dynama».
«BATE tre' było, kab minskaje «Dynama» straciła punkty, — cytuje słovy tahačasnaha bramnika bresckaha «Dynama» Juryja Cyhałki goals.by. — Pierad matčam pryjechali ludzi z Barysava. Prastymulavać. Moža, barysaŭcy nie vieryli, byccam my zmožam adabrać ački ŭ minčan, bo sumu nie stali nazyvać. Skazali prosta: «Chłopcy, my vas nie pakryŭdzim. Adździačym». Matč zaviaršyŭsia ź likam 0:0. BATE staŭ čempijonam. Paśla hulni nam pieradali abiacanyja hrošy. Chłopcy ich padzialili. Atrymałasia niešta kala dvuchsot dalaraŭ na čałavieka».
Anatol Kapski nazyvaje intervju Cyhałki «niepryjemnaj padziejaj» u losie FK BATE i jaho asabista. «Na adras našaha kłuba byli vystaŭleny samyja surjoznyja abvinavačvańni», — zajaŭlaje Kapski. Jon zaklikaje adpaviednyja orhany Biełaruskaj fiederacyi futboła pravieści rasśledavańnie, jakoje «paćvierdzić abo asprečyć sapraŭdnaść asobnych vykazvańniaŭ Juryja Cyhałki».
Sa słovaŭ staršyni FK BATE, «pa reputacyi kłuba naniesieny surjozny ŭdar». I kali budzie dakazana, što «stymulavańnie» sapraŭdy było, ludziej, jakija mieli da jaho dačynieńnie, «varta adłučyć ad futboła».
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta7
Kamientary