Janukovič: «Situacyja ŭ Kijevie niasie pahrozu dla biaśpieki Ukrainy». Prezident Ukrainy źviarnuŭsia da naroda
Z admysłovym zvarotam da naroda siońnia vystupiŭ prezident Ukrainy Viktar Janukovič.
Tekst zvarotu raźmieščany na jahonym sajcie.
«Źviartajusia da vas jak śviadomych hramadzian našaj dziaržavy, jakija dobra razumiejuć, jakija pahrozy dla ŭkrainskaha hramadstva i dziaržavy niasuć ŭnutranyja kanflikty, razład i supraćstajańnie», — havorycca ŭ liście.
«Niekatoryja lidery apazicyi zrabili zajavu, što jany nie majuć dačynieńnia da masavych akcyjaŭ, jakija 19 studzienia mieli miesca na vulicy Hrušeŭskaha, i zaklikali ŭdzielnikaŭ takich akcyj spynić siłavoje supraćstajańnie z supracoŭnikami pravaachoŭnych orhanaŭ», - adznačyŭ Janukovič.
«Źviartajusia da žycharoŭ horada Kijeva i inšych udzielnikaŭ masavych schodaŭ. Prašu vas nie iści za tymi, chto zaklikaje da hvałtu, chto imkniecca spravakavać raskoł pamiž dziaržavaj i hramadstvam i choča kinuć ŭkrainski narod u harniła masavych biesparadkaŭ», — dadaŭ jon.
«Ja z razumieńniem staviŭsia da vašamu ŭdziełu ŭ masavych akcyjach, vykazvaju hatoŭnaść vysłuchać vašu pazicyju i sumiesna znajści šlachi vyrašeńnia isnujučych supiarečnaściaŭ, ale ciapier, kali mirnyja akcyi pierarastajuć u masavyja biesparadki, jakija supravadžajucca pahromami i padpałami, užyvańniem hvałtu, ja pierakanany, što takija źjavy ŭjaŭlajuć pahrozu nie tolki dla žycharoŭ Kijeva, ale i ŭsioj Ukrainy», — ličyć Janukovič.
«Ja ŭpeŭnieny, što mienavita vy, jak nichto inšy, razumiejecie, što my pavinny razam sprabavać zachavać našu dziaržavu, pamnožyć jaje siłu, aŭtarytet i mahčymaści», - havorycca ŭ zajavie.
«Chaču adznačyć, što prykładu ŭsie namahańni, kab zabiaśpiečyć hramadski paradak, abaranić pravy mirnych hramadzian i budu vykarystoŭvać usie pravavyja i inšyja praduhledžanyja zakonami Ukrainy mietady dla zabieśpiačeńnia hramadskaha paradku i biaśpieki ŭsich našych suajčyńnikaŭ», - dadaŭ jon.
«Ja pierakanany, što vy mianie pačujecie i padtrymajcie ŭ namahańniach spynić supraćstajańnie, jakoje spravakavana tymi, chto koštam čałaviečaj kryvi choča zmahacca za ŭładu», — havorycca ŭ zajavie.
«Tolki mirny šlach, ciažkaja praca, adzinstva naroda i naša metanakiravanaść na pabudovu ŭ Ukrainie vysokich standartaŭ žyćcia ludziej pryviadzie nas da pośpiechu. Vajna, razbureńnia, hvałt razburać Ukrainu», — zajaviŭ Janukovič.
«Ja zaklikaju da dyjałohu, da kampramisu, da spakoju na našaj rodnaj ziamli. Vieru ŭ narod Ukrainy. Pierakanany ŭ mudraści našych ludziej. I hatovy słužyć dziaržavie i ludziam vieraj i praŭdaj, pakul chopić maich sił i davieru naroda», — dadaŭ jon.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary