Януковіч: «Сітуацыя ў Кіеве нясе пагрозу для бяспекі Украіны». Прэзідэнт Украіны звярнуўся да народа
З адмысловым зваротам да народа сёння выступіў прэзідэнт Украіны Віктар Януковіч.
Тэкст звароту размешчаны на ягоным сайце.
«Звяртаюся да вас як свядомых грамадзян нашай дзяржавы, якія добра разумеюць, якія пагрозы для ўкраінскага грамадства і дзяржавы нясуць ўнутраныя канфлікты, разлад і супрацьстаянне», — гаворыцца ў лісце.
«Некаторыя лідэры апазіцыі зрабілі заяву, што яны не маюць дачынення да масавых акцыяў, якія 19 студзеня мелі месца на вуліцы Грушэўскага, і заклікалі ўдзельнікаў такіх акцый спыніць сілавое супрацьстаянне з супрацоўнікамі праваахоўных органаў», - адзначыў Януковіч.
«Звяртаюся да жыхароў горада Кіева і іншых удзельнікаў масавых сходаў. Прашу вас не ісці за тымі, хто заклікае да гвалту, хто імкнецца справакаваць раскол паміж дзяржавай і грамадствам і хоча кінуць ўкраінскі народ у гарніла масавых беспарадкаў», — дадаў ён.
«Я з разуменнем ставіўся да вашаму ўдзелу ў масавых акцыях, выказваю гатоўнасць выслухаць вашу пазіцыю і сумесна знайсці шляхі вырашэння існуючых супярэчнасцяў, але цяпер, калі мірныя акцыі перарастаюць у масавыя беспарадкі, якія суправаджаюцца пагромамі і падпаламі, ужываннем гвалту, я перакананы, што такія з'явы ўяўляюць пагрозу не толькі для жыхароў Кіева, але і ўсёй Украіны», — лічыць Януковіч.
«Я ўпэўнены, што менавіта вы, як ніхто іншы, разумееце, што мы павінны разам спрабаваць захаваць нашу дзяржаву, памножыць яе сілу, аўтарытэт і магчымасці», - гаворыцца ў заяве.
«Хачу адзначыць, што прыкладу ўсе намаганні, каб забяспечыць грамадскі парадак, абараніць правы мірных грамадзян і буду выкарыстоўваць усе прававыя і іншыя прадугледжаныя законамі Украіны метады для забеспячэння грамадскага парадку і бяспекі ўсіх нашых суайчыннікаў», - дадаў ён.
«Я перакананы, што вы мяне пачуеце і падтрымайце ў намаганнях спыніць супрацьстаянне, якое справакавана тымі, хто коштам чалавечай крыві хоча змагацца за ўладу», — гаворыцца ў заяве.
«Толькі мірны шлях, цяжкая праца, адзінства народа і наша мэтанакіраванасць на пабудову ў Украіне высокіх стандартаў жыцця людзей прывядзе нас да поспеху. Вайна, разбурэння, гвалт разбураць Украіну», — заявіў Януковіч.
«Я заклікаю да дыялогу, да кампрамісу, да спакою на нашай роднай зямлі. Веру ў народ Украіны. Перакананы ў мудрасці нашых людзей. І гатовы служыць дзяржаве і людзям верай і праўдай, пакуль хопіць маіх сіл і даверу народа», — дадаў ён.
Крутога айцішніка, які вярнуўся з Польшчы, кінулі за краты за фінансаванне «экстрэмізму»25
Каментары