Marazy ŭ druhoj pałovie tydnia tolki ŭzmocniacca

Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.

Uvieś tydzień budzie maroznym, adčuvańnie choładu ŭzmocnić paryvisty viecier.

U aŭtorak, 21 studzienia, u mnohich rajonach krainy nadvorje budzie farmiravacca pad upłyvam pieryfieryi paŭnočnaha antycykłonu. Tempieratura pavietra nočču składzie minus 13—19 hradusaŭ, pa ŭschodzie krainy pry prajaśnieńniach budzie 20—25 hradusaŭ marozu, u paŭdniova-zachodnich rajonach — minus 8—12 hradusaŭ.

U dzionny čas čakajecca ad minus 6 pa paŭdniovym zachadzie da minus 17 hradusaŭ pa paŭnočnym uschodzie krainy.

«Pry ŭschodnim paryvistym vietry nadvorje čakajecca vielmi niekamfortnaje, — adznačyŭ pradstaŭnik hidramieteacentra. — Pad upłyvam atmaśfiernaha frontu ad cykłonu nad Ukrainaj pieravažna pa paŭdniovaj pałavinie Biełarusi projdzie śnieh, miescami zaviruchi, u asobnych rajonach pa krajnim poŭdni krainy mahčymy mocny śnieh. Vyšynia śniežnaha pokryva tut pavialičycca, pry hetym pa poŭnačy Biełarusi, dzie adznačajucca samyja mocnyja marazy, śniehu pa-raniejšamu budzie niašmat».

U sieradu, 22 studzienia, na bolšaj častcy terytoryi krainy projdzie śnieh, prahnazujecca słabaja miacielica, na darohach miescami hałalodzica. Tempieratura pavietra nočču składzie minus 11—17 hradusaŭ, pa poŭnačy budzie 18—23 hradusy marozu.

Dniom budzie minus 9—15 hradusaŭ, pa krajnim poŭdni na praciahu sutak prahnazujecca minus 6—10 hradusaŭ.

Z čaćviarha rost atmaśfiernaha cisku ŭzmocnicca pad upłyvam arktyčnaha antycykłonu. Marazy stanuć macniejšymi. Tempieratura pavietra na praciahu sutak składzie minus 12—18 hradusaŭ, nočču pry prajaśnieńniach składzie 19—24 hradusy sa znakam minus. Va ŭschodnich rajonach projdzie karotkačasovy śnieh.

U piatnicu nočču čakajecca minus 14—20 hradusaŭ, pry prajaśnieńniach - ad 21 da 26 hradusaŭ sa znakam minus. U dzionny čas budzie minus 11—17 hradusaŭ.

«U hetyja vychadnyja da terytoryi Biełarusi nablizicca centr chałodnaha antycykłonu. Jašče krychu ŭzmocniacca marazy, ale pry hetym viecier scichnie», - rastłumačyŭ Dźmitryj Rabaŭ.

Tempieratura pavietra nočču składzie minus 16—21 hradus, miescami — ad 22 da 28 hradusaŭ marozu. Pry hetym u siaredzinie dnia marazy buduć słabieć da minus 11—17 hradusaŭ.

U asobnych rajonach mahčymy nievialiki karotkačasovy śnieh. Na darohach miescami zachavajecca hałalodzica.

• 0
• 0
• 0
• 0
• 0
• 0
• 0
• 0