Majdan: Apazicyja vychodzić ź pieramovaŭ z uładami NAVINY Z KIJEVA ANŁAJN

20:09

U Kijevie ŭmacoŭvajuć barykady. Vyšynia barykady na Instytuckaj siahaje 3,5 m

18:33

Janukovič abiacaje źmieny ŭ zakonach, ŭradzie i častkovuju amnistyju

18:26

Michaś Skobła. Pamiaci Michała Žyźnieŭskaha

18:20

Eduard Akulin. Pamiaci Michała Žyźnieŭskaha

17:40

Staršynia Sudovaj Administracyi Ŭkrainy padaŭ u adstaŭku

17:30

Siłaviki pačali pieramovy ź mitynhoŭščykami na Hrušeŭskaha.

09:34

U Čarkasach zatrymali 58 mitynhoŭščykaŭ. Inkryminujuć supraciŭ i biesparadki

09:12

Niekalki dziasiatkaŭ udzielnikaŭ Majdanu zachapili Ministerstva ahrapalityki

08:53

Da Janukoviča laciać Eštan i Fiule

Unačy na Majdanie pierad scenaj sabrałasia niekalki dziasiatkaŭ tysiač čałaviek. Čakali lidaraŭ apazicyi paśla pieramovaŭ ź Janukovičam. Pra heta paviedamlaje karespandent Gazeta.ua.

Aleh Ciahnibok skazaŭ: «Ciapier aryštavanyja kala sotni aktyvistaŭ. U bližejšyja dni płanujuć aryštavać jašče kala tysiačy. Hetaha nie pavinna być. Adstaŭka ŭrada, novy zakon ab vybarach i viartańnie da Kanstytucyi 2004 hoda». Ludzi śviščuć.

Ciahnibok paprasiŭ padniać ruki ludziej, jakija za praciah pieramovaŭ z prezidentam i tych, chto za toje, kab vyjści ź pieramovaŭ. Ludzi padniali ruki tolki na druhuju prapanovu.

Jacaniuk abviaściŭ taksama, što barykady na vulicy Hrušeŭskaha stanoviacca terytoryjaj Majdana.

«Rašeńnie pryniataje. My abjaŭlajem Hrušeŭskaha terytoryjaj Majdana, — skazaŭ Jacaniuk. — Ni kroku nazad. Ja prašu ŭsich — dyscyplina. Heta padtrymlivajecca? Dakładnaje vykanańnie zahadaŭ. Heta padtrymlivajecca? Abo pašyrajem my terytoryju Majdana? Źviartajusia da Andreja Parubija pašyryć terytoryju Majdana».

Na Majdanie Niezaležnaści ŭnačy pratestavała kala 10 tysiač čałaviek. Na barykadach pa Instytuckaj i Hrušeŭskaha — jašče da 4 tysiač.

Na vuł. Instytuckaj u rajonie Majdana Niezaležnaści ŭ Kijevie kala 2 tys. aktyvistaŭ Jeŭramajdanu. Aktyvisty tłumačać, što barykada pryznačana dla praduchileńnia mahčymaj ataki pravaachoŭnikaŭ.

Barykada na vuł. Instytuckaj stała 16-j na terytoryi Jeŭramajdanu.

Pry budaŭnictvie aktyvisty vykarystoŭvali ŭsie, što było mahčyma vykarystać — darožnyja znaki, zvałki, častki mietaličnych płatoŭ, bietonnyja apory, miaški sa śnieham. Apošnija palivajuć vadoj.

Razam z tym dla biaśpieki aktyvistaŭ atrady samaabarony Majdanu sa ščytami pieraharadzili Instytuckuju ŭ niekalkich mietrach ad Bankavaj.

Na Hrušeŭskaha nijakich dziejańniaŭ niama, ale barykady stali bolšymi. Milicyja praciahvaje trymać pazicyi kala «Dynama», pieramirje praciahvajecca.

00:57

Ludzi iduć na Majdan z Hrušeŭskaha, paviedamlaje Hromadśkie TV. Častka ŭmacoŭvaje barykady.

00:27

Ludzi na Hrušeŭskaha zaklikajuć Klička zastavacca ź imi na noč. Kličko zaklikaje da pieramirja na try dni, ciaham jakich buduć vyzvalenyja ŭsie zatrymanyja (kala 40 čałaviek, pa słovach Ciahniboka, da 12:00).

Pierad prysutnymi vystupaje Ciahnibok. Jon kaža, što Bierkut spynić pieraśled, a taksama jamu zabaroniać vykarystoŭvać ahniapalnuju zbroju. «Kali jany parušać umovy, to my jon parušym».

Ciahnibok kaža, što ŭ pierśpiektyvie buduć admienienyja zakony «16 studzienia», kryminalnyja spravy ŭ dačynieńni da zatrymanych buduć spynienyja, a ŭsie ŭdzielniki pratestaŭ buduć dekryminalizavanyja.

Ciahnibok zaklikaje da pieramirja da ranicy.

Žurnalisty vykazvajuć mierkavańnie, što Janukovič taksama zapatrabavaŭ vyzvalić vulicu Hrušeŭskaha i paraŭnoŭvajuć situacyju ź biełaruskaj, kali ludziej spačatku sadžajuć, a potym šukajuć adpaviedny artykuł.

Jacaniuk, darečy, nie źjaviŭsia ni na Hrušeŭskaha, ni na Majdanie.

Žurnalisty Hromadśkie TV kažuć, što ludzi rasčaravanyja vynikami pieramovaŭ, častka razychodzicca.

00:14

Kličko kaža prysutnym na Hrušeŭskaha: «Ja zadaŭ pytańnie [Janukoviču], kali buduć ludzi vypuščanyja, jany abiacajuć zaŭtra z ranicy, …maksimum try dni».

«Ja vielmi nie chaču krovapralićcia», — kaža jon. Jaho słoŭna atakujuć.

«Spakojna», — supakojvaje Kličko, jaho sustrakajuć śvistam. Ludzi kryčać «Hańba».

«Vitala, zrabi što-niebudź, baćki doma płačuć». «Bratan, skažy što rabić?» — potym pytajucca ludzi.

Ludzi kryčać «Vola abo śmierć», pačynajuć skandavać «Kličko, Kličko!». «Kličko — prezident», ludzi skandujuć «Revalucyja!»

Na Hrušeŭskaha poŭnaje zamiašańnie ciapier.

Ludzi źbirajucca stajać da ranicy.

00:10

Ministr justycyi: Pieramovy buduć praciahnutyja.

U chodzie pieramovaŭ pamiž uładaj na čale z prezidentam Janukovičam i lidarami troch apazicyjnych frakcyj nie byŭ znojdzieny adkaz na pytańnie, źbirajucca lidary apazicyi ŭ dalejšym kantralavać chod radykalnych padziej na vulicach Kijeva. Pieramovy buduć praciahnutyja.

Pra heta havorycca ŭ zajavie ministra, člena rabočaj hrupy pa ŭrehulavańni palityčnaha kryzisu Aleny Łukaš ab chodzie pieramovaŭ, paviedamlaje pres-słužba prezidenta.

«Na žal, u druhi raz lidary apazicyi admovilisia ad zajavy ab asudžeńni ekstremisckich dziejańniaŭ. Taksama imi nie byli asudžanyja fakty zachopu budynkaŭ miascovych orhanaŭ ułady. Nie byŭ znojdzieny adkaz na pytańnie, źbirajucca lidary apazicyi ŭ dalejšym kantralavać chod radykalnych padziej na vulicach Kijeva», — zajaviła Łukaš.

Pavodle jaje słoŭ, abmiarkoŭvalisia pytańni nieadkładnaha vyzvaleńnia niezakonna zajmanych pamiaškańniaŭ, mahčymaj amnistyi i inšyja pytańni, jakija mohuć być razhledžany na pazačarhovaj siesii, fakt praviadzieńnia jakoj udzielniki pieramovaŭ acanili ŭchvalna.

Taksama abmiarkoŭvałasia pytańnie adkaznaści ŭrada.

00:08

Na Hrušeŭskaj čakajuć V. Klička, pamiž šeraham Bierkuta i pratestoŭcami stajać śviatary, jakija zaklikajuć spynić supraćstajańnie.

Vynik pieramovaŭ pamiž prezidentam Ukrainy Viktaram Janukovičam, udzielnikami rabočaj hrupy pa ŭrehulavańni palityčnaha kryzisu i lidarami apazicyjnych parłamienckich frakcyj patrabuje kansultacyj z hramadskaściu. Pra heta zajaviŭ Aleh Ciahnibok.

«Vynik našych pieramovaŭ patrabuje peŭnych kansultacyj z hramadskaściu. Tolki takija kansultacyi buduć praviedzieny, my prainfarmujem», — skazaŭ jon paśla pieramovaŭ u čaćvier viečaram.

Pry hetym lidar «Svabody» adznačyŭ: «Ad kansultacyj budzie zaležać, pojdziem my pa adnym šlachu abo pa inšym šlachu».

Ciahnibok vybačyŭsia pierad pradstaŭnikami ŚMI za toje, što nie moža dać bolš kankretnaj infarmacyi.

U pieramovach ź Janukovičam brali ŭdzieł Aleh Ciahnibok, Vital Kličko i Arsień Jacaniuk, pieramovy doŭžylisia 5 hadzinaŭ. Jacaniuk dadaŭ, što šaniec paźbiehnuć krovapralićcia vielmi vysoki.

Hromadśkie TV paviedamlaje, što Ciahnibok idzie na Majdan. Kličko idzie na Hrušeŭskaha.

Ciahnibok zajaviŭ žurnalistam, što nieabchodna vystupić sa sceny Majdanu, i tady na sajcie Hienprakuratury i MUS budzie apublikavana niejkaja zajava, i praces zapuščany,

padrabiaznaści nie paviedamiŭ, machnuŭšy rukoj «Chłopcy, tam ciomny les».

Žurnalisty Hromadśkie TV vykazvajuć mierkavańnie, što idziecca pra vykanańnie peŭnych damoŭlenaściej i sprava idzie pra vyzvaleńnie zatrymanych.

23:59

Na Hrušeŭskaha čakajuć Klička. Tam zapalili znoŭ vohniščy, ale ludzi, vidać, hrejucca.

• 0
• 0
• 0
• 0
• 0
• 0
• 0
• 0