Biełarusy znoŭ biaz Nobela

Nobeleŭskuju premiju miru za 2007 hod atrymaŭ były vice‑prezydent ZŠA Albert Hor i Mižnarodnaja hrupa AAN pa pytańniach klimatyčnych źmienaŭ.. Svajo rašeńnie Narveski nobeleŭski kamitet matyvavaŭ nastupnym čynam: «Za namahańni pašyreńnia viedaŭ pra štučnyja źmieny klimatu j pryniaćcie krokaŭ, nieabchodnych dla supraćdziańnia takim źmienam».

Albert Hor naradziŭsia ŭ 1948 hodzie ŭ Vašynhtonie. Z 1993 pa 2001 hady pracavaŭ u administracyi Biła Klintana jak vice-prezydent. Z 2006 hodu źjaŭlajecca prezydentam amerykanskaha telekanału Current. Źjaŭlajecca daradčykam‑menedžeram kampanii Google. U 2007 hodzie Albert Hor atrymaŭ Oskar za najlepšy dakumentalny film. U jahonaj stužcy «Niazručnaja praŭda» raspaviadajecca pra niebiaśpieku, jakuju niasie našaj planecie hlabalnaje paciapleńnie.

Mižnarodnaja hrupa AAN abjadnoŭvaje kala troch tysiačaŭ navukoŭcaŭ: akijanolahaŭ, klimatolahaŭ, ekanamistaŭ, daśledčykaŭ ledavikoŭ i inš.

Kandydatami na atrymańnie Nobeleŭskaj premii ŭ halinie miru byli j dva biełarusy: były staršynia Viarchoŭnaha Savietu Stanisłaŭ Šuškievič i vice‑prezydent Mižnarodnaj fiederacyi pravoŭ čałavieka (FIDH), biełaruski pravaabaronca Aleś Bialacki.

Stanisłava Šuškieviča na atrymańnie Nobeleŭskaj uznaharody vyłučyŭ eks‑prezydent Polščy Lech Vałensa. Lider ruchu «Salidarnaść» adznačyŭ dziejańni Stanisłava Šuškieviča pa 5 punktach: za inicyjatyvu sustrečy ŭ śniežni 1991 hodu kiraŭnikoŭ Biełarusi, Rasiei i Ŭkrainy, jakija padpisali Biełavieskija pahadnieńni, što faktyčna zamacavali razvał SSSR; za aktyŭny ŭniosak u mirny raskoł rasiejskaj kalanijalnaj imperyi, jakaja isnavała ŭ vyhladzie Savieckaha Sajuzu; za ŭkład u bieskanfliktnaje pieraŭtvareńnie SSSR u niezaležnyja respubliki; za addanaść pryncypam miru, demakratyi, pravoŭ čałavieka j prapahandu hetych pryncypaŭ. Kandydaturu byłoha kiraŭnika Biełarusi padtrymali šerah hramadzkich dziejačaŭ i palitykaŭ z roznych krainaŭ śvietu.

Pravaabaronca Aleś Bialacki, pavodle jahonych słovaŭ, byŭ u tak zvanym šort‑śpisie najbolš vierahodnych kandydataŭ. Darečy, vice‑prezydent Mižnarodnaj fiederacyi pravoŭ čałavieka ŭžo druhi hod zapar vyłučaŭsia na kandydatam na atrymańnie prestyžnaj premii. Aleś Bialacki.

Pačynajučy ad 1901 hodu, kali była ŭstanoŭlenaja Nobeleŭskaja premija ŭ halinie miru, da hetaha času jaje ŭładalnikami stali 94 asoby j 19 arhanizacyjaŭ. Sioleta kandydatami na atrymańnie Nobeleŭskaj uznaharody byli 135 asobaŭ i 46 arhanizacyjaŭ.

Polskaje radyjo dla zamiežža

• 0
• 0
• 0
• 0
• 0
• 0
• 0
• 0