Dziaržduma maje namier 21 sakavika razhledzieć zakonaprajekt deputataŭ «Spraviadlivaj Rasii» ab dałučeńni Kryma da Rasii. Pra heta paviedamiŭ deputat «Adzinaj Rasii» Viačasłaŭ Nikanaŭ.
«Da 17 (sakavika) zaŭvahi, rassyłańnie, 21 — (zakonaprajekt) pastaŭleny na paradak», — skazaŭ jon pa vynikach pasiadžeńnia Savieta Dumy.
Zakonaprajekt vyznačaje praviły ŭvachodžańnia ŭ RF novych terytoryj.
«Esery» prapanujuć vyznačyć, što pry niemahčymaści zaklučeńnia mižnarodnaj damovy, u suviazi z adsutnaściu ŭ zamiežnaj dziaržavie efiektyŭnaj suvierennaj dziaržaŭnaj ułady, jakaja b abaraniała i zachoŭvała pravy i svabody hramadzian, pryniaćcie novych terytoryj u skład RF ažyćciaŭlajecca pa vynikach refierendumu na toj terytoryi, dzie vyjavili žadańnie dałučycca da RF. Takomu novamu rehijonu prapanujecca davać status subjekta RF.
Prymać novy rehijon možna budzie na padstavie fiederalnaha kanstytucyjnaha zakona.
Raniej paviedamlałasia, što Jeŭrasajuz maje namier 21 sakavika padpisać palityčnuju častku Damovy ab asacyjacyi z Ukrainaj. Pry hetym ekanamičnaja častka jaje budzie padpisana paźniej. Adnak Jeŭrasajuz adnabakova adkryje svoj rynak dla ŭkrainskich tavaraŭ da padpisańnia.
Kamientary