U Rasii pravodziacca maštabnyja vučeńni Pavietrana-desantnych vojskaŭ, jakija praduhledžvajuć desantavańnie kala 3,5 tysiač čałaviek.
Pra heta paviedamili ŭ pres-słužbie Minabarony Rasii.
«Padraździaleńni PDV padniatyja pa tryvozie i rušyli ŭ rajony dysłakacyi, dadzienyja ab miescach praviadzieńnia desantnaj apieracyi kamandavańnie atrymaje padčas vučeńniaŭ. Pryciahnutyja raźviedvalnyja, parašutna-desantnyja, inžyniernyja, zienitna-rakietnyja, artyleryjskija i inšyja padraździaleńni złučeńniaŭ Pavietrana-desantnych vojskaŭ. Dyvizijonnyja kamandna-štabnyja vučeńni praciahnucca da 14 sakavika», — havorycca ŭ paviedamleńni.
Pry hetym adznačajecca, što ŭpieršyniu za bolš čym dvaccacihadovy pieryjad padčas vučeńniaŭ budzie praviedzienaje desantavańnie kala 3,5 tysiač desantnikaŭ.
Usiaho budzie pryciahnuta bolš za 4 tysiačy vajskoŭcaŭ, 36 pavietranych sudoŭ vajenna-transpartnaj i vajskovaj avijacyi i inšaj techniki.
Pavietrana-desantnyja vojski (PDV) — rod vojskaŭ, pryznačany dla bajavych dziejańniaŭ u tyle praciŭnika. Pryznačanyja dla vysadki z pavietra ŭ tyle praciŭnika abo dla chutkaha razhortvańnia ŭ hieahrafična addalenych rajonach, časta vykarystoŭvajucca jak siły chutkaha reahavańnia.
Jak paviedamlałasia raniej, pavodle apieratyŭnaj infarmacyi Ministerstva abarony Ukrainy i pravaachoŭnych orhanaŭ, na terytoryi Kryma nazirajecca praciah naroščvańnia prysutnaści vajskovaha kantynhientu Rasii.
7 sakavika śpikier Savieta fiederacyi RF Valancina Maćvijenka zajaviła, što padtrymaje dałučeńnie Kryma da Rasii.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary