Rasijskija vajskoŭcy pachvalilisia ŭdaram trochtonnaj bombaj pa žyłym domie, dzie zastavalisia ludzi
Rasijskija prapahandysckija resursy apublikavali videa ŭdaru mahutnaj avijabombaj FAB-3000 pa pasiołku Kaŭšaraŭka na Charkaŭščynie. Zajaŭlałasia, što cellu byŭ «aporny punkt», adnak miascovyja žychary paznali na kadrach zvyčajny žyły piacipaviarchovik.
Udar trochtonnaj avijabombaj FAB pa «apornym punkcie bajevikoŭ» u pasiołku Kaŭšaraŭka apublikavaŭ telehram-kanał «Opierativnyj prostor», zaŭvažyła ASTRA.
«Vybuchovaje pryvitańnie ad PKS RF», — padpisana videa.
U hrupie Kupianskaha rajona miascovyja žychary apaznali atakavany dom — №67, a taksama napisali, što ŭ padvale chavalisia ludzi. Pavodle ich słoŭ, ad dvuch padjezdaŭ doma ničoha nie zastałosia.
Adna z žycharak doma №67 paviedamiła ASTRA, što ŭ momant ataki tam zastavałasia 4 čałavieki. Dvoje ź ich — para piensijanieraŭ Volha i Dźmitryj Babrovy. Pavodle jaje słoŭ, im za 60 hadoŭ, jany nie stali vyjazdžać z abłožanaha horada. «Skazali, budziem doma da apošniaha. Dom na palach, moža być, jany žyvyja», — raskazała susiedka.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary
A vot ukraincy—bratskij słavianskij narod.
Tolki mienavita ruskaja kultura jana mienavita takaja i mienavita tak i pracuje.
I nichto nie abvierhnie, što navat samy zialony piłot-stažor VKS Rasii maje vyšejšuju adukacyju i najlepšaje zdaroŭje. Nizto nie dakaža, što ŭ palocie błytaje piedali i nie razumieje dzie i što jon robić, što tolki adnamu durniu tak zachaciełasia.
Tut nie śpichnieš na dzikunoŭ kadyraŭcaŭ ci na kryminalnikaŭ vyčvarencaŭ, što ŭciakajuć z turmaŭ ŭ ruskija "miasnyja šturmy".