Z farmuloŭkaj «za parušeńnie praviłaŭ unutranaha rasparadku». Hramadzkaść ličyć vyklučeńnie «palityčna matyvavanym».
U intervju BiełaPAN K.Byčak paviedamiła, što za ŭdzieł u hramadskaj kampanii «Vyratujem Horadniu!» u mai hetaha hoda jana była zatrymana milicyjaj. Tady razam ź inšymi maładymi ludźmi jana vyjšła na abaronu budynka młyna druhoj pałovy XIX stahodździa pa vulicy Vasilka, 3, a potym na jaje było nakładziena administracyjnaje spahnańnie pavodle rašeńnia suda Leninskaha rajona Hrodna.
«Za svoj udzieł u akcyi ŭ toj čas mianie nijak nie pakarali ŭ VNU. Potym mianie doma naviedvali supracoŭniki Kamiteta dziaržbiaśpieki, jakija sprabavali vyśvietlić roznyja detali, źviazanyja z praviadzieńniem kampanii «Vyratujem Horadniu!». U dekanacie nie pryniali da ŭvahi pavažlivyja pryčyny, z‑za jakich ja prapuściła vosiem dzion zaniatkaŭ u vieraśni, i na hetaj padstavie adličyli mianie z univiersiteta», — zaznačyła K.Byčak.
Pavodle jaje słoŭ, u nieaficyjnaj razmovie ŭ dekanacie joj paviedamili, što sapraŭdnaj pryčynaj adličeńnia źjaŭlajecca jaje ŭdzieł u akcyjach pratestu suprać razbureńnia histaryčnaha centra Hrodna.
Pavodle słoŭ dziaŭčyny, kali joj nie ŭdasca adnavicca ŭ VNU, jana vymušana budzie praciahvać vučobu za miežami Biełarusi.
U intervju BiełaPAN hrodzienski hramadski aktyvist Pavieł Mažejka nazvaŭ adličeńnie K.Byčak z VNU «palityčna matyvavanym, tym bolš što dziaŭčyna nie źjaŭlajecca členam nijakich palityčnych partyj abo arhanizacyj, a pa svaim unutranym pierakanańni ŭziała ŭdzieł u kampanii». Pavodle jaho słoŭ, hramadskaść akaža Kaciarynie adpaviednuju dapamohu, u tym liku pravavuju, dla jaje adnaŭleńnia va univiersitecie abo dla praciahu vučoby za miažoj.
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja3
Kamientary