U vioscy Jarošycy Navahrudskaha rajona zdaryłasia ekałahičnaja katastrofa — u miascovaj race Jatranka masava zahinuła ryba. Miascovyja žychary paviedamili, što pryčynaj moh stać źliŭ hnajavych ściokavych vod z małočnatavarnaj fiermy, piša vydańnie «Pieršy».
Ludzi zaŭvažyli, što vada ŭ race stała mutnaj, i ŭ joj płavali miortvyja rybiny. U sacsietkach jany abvinavacili kałhas «Śviciaź» u nieadnarazovym źlivie hnoju ŭ vadu.
Na miesca vyjechali inśpiektary i śpiecyjalisty pa achovie navakolnaha asiarodździa. U Ministerstvie pryrodnych resursaŭ Biełarusi paćvierdzili: ścioki sapraŭdy trapili ŭ raku z terytoryi fiermy, i ŭ vyniku zahinuła šmat ryby. Byli ŭziatyja proby vady i donnaha hruntu, ciapier ich analizujuć u łabaratoryi.
Kali parušeńni paćvierdziacca, adkaznyja asoby i haspadarka mohuć panieści administracyjnuju abo inšuju adkaznaść. Straty, naniesienyja pryrodzie, buduć acenienyja paśla zaviaršeńnia ekśpiertyzy.
Kamientary