U Banhładeš vajskovy samalot prataraniŭ škołu, u jakoj było šmat dziaciej
U stalicy Banhładeš Dacy adbyłasia trahiedyja: vučebny samalot Vajskova-pavietranych sił krainy ŭrezaŭsia ŭ terytoryju škoły i kaledža Miłstoŭn u rajonie Utara. Na momant katastrofy vučni zdavali ekzamieny i naviedvali zaniatki, piša Euronews.
Pavodle paviedamleńnia armii Banhładeš, samalot F-7 BGI naležaŭ VPS. U vyniku padzieńnia zahinuli jak minimum 19 čałaviek, dziasiatki atrymali ranieńni. Bolš za 50 paciarpiełych byli dastaŭlenyja ŭ balnicy, mnohija ź ich — sa strašnymi apiokami.
Jak paviedamlajuć ŚMI, bolšaść paciarpiełych — vučni. Na telekanałach pakazvajuć kadry ź miesca trahiedyi: źniščany budynak i kłuby dymu. Baćki i svajaki ŭ panicy źbirajucca kala škoły, a paranienych razvoziać u špitali na rykšach i inšych dastupnych transpartnych srodkach.
Adna z vučanic, 16-hadovaja Rafika Tacha, jakaja nie była ŭ škole ŭ momant trahiedyi, raskazała, što ŭ Miłstoŭnie vučacca kala 2 000 dziaciej — ad pačatkovych kłasaŭ da 12-ha vypusknoha.
«Kali ja pabačyła heta pa televizary — mianie achapiŭ žach. Boža moj! Heta ž maja škoła», — skazała jana.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary