U Biełarusi razhladajuć mahčymaść ustalavańnia ałkazamkoŭ u karšerynhavych aŭtamabilach — pryład, jakija nie dazvalajuć zavieści mašynu, kali kiroŭca niećviarozy, piša Blizko.by.
Na pasiadžeńni pastajannaj kamisii Pałaty pradstaŭnikoŭ pa pramysłovaści, enierhietycy, transparcie, suviazi i ličbavym raźvićci abmiarkoŭvali pravavoje rehulavańnie karšerynhavych i kikšerynhavych pasłuh.
Padčas abmierkavańnia padkreślivali nieabchodnaść vyraznaj markiroŭki karšerynhavych mašyn, kab ich było lohka zaŭvažyć na darozie, anałahična taksi. Bo ciapier niekatoryja kampanii śpiecyjalna nie paznačajuć svaje aŭto, kab paźbiahać uvahi DAI.
Načalnik DAI Minharvykankama Siarhiej Babič paviedamiŭ, što pryblizna kožny dziasiaty niećviarozy kiroŭca — karystalnik karšerynhu. Tamu i prapanujecca na takija mašyny stavić ałkazamki.
Taksama ŭ pracesie abmierkavańnia adznačyli, što časta aŭtamabil biare adzin čałaviek, a kiruje im zusim inšy: hety momant nijak nie kantralujecca, i kampanii faktyčna nie niasuć adkaznaści za toje, chto siadaje za rul.
Na elektrobusach MAZ pačnuć stavić ałkazamki. Što heta takoje?
Na minskim praśpiekcie Dziaržynskaha adbyłasia avaryja z udziełam piaci aŭtamabilaŭ. Adzin ź ich pierakuliŭsia
Kiroŭca karšerynha Bolt prataraniŭ aharodžu na litoŭskaj miažy i byŭ zatrymany ŭ Biełarusi
Na płoščy Niezaležnaści kiroŭca karšerynhavaha aŭto zasnuŭ za rulom i ŭrezaŭsia ŭ inšy aŭtamabil
Kamientary