U niadzielu rezka pachaładaje, Biełaruś akažacca pad uładaj troch mahutnych cykłonaŭ
U bližejšyja sutki, 14 sakavika, čakajecca pieramiennaja vobłačnaść. Pieravažna biez apadkaŭ. Viecier zachodni, paŭnočna-zachodni ŭmierany, dniom paryvisty, pa Viciebskaj i Mahiloŭskaj abłaściach miescami mocny paryvisty. Tempieratura pavietra minimalnaja nočču -2.. +4°C, maksimalnaja dniom +8.. +14°C. Atmaśfierny cisk budzie słaba padać.
U subotu, 15 sakavika, čakajecca paharšeńnie ŭmoŭ nadvorja.
Nočču pa paŭnočnym zachadzie, dniom na bolšaj častcy terytoryi karotkačasovyja daždžy, pa paŭnočna-zachodniaj pałovie z mokrym śnieham.
Ranicaj i dniom u mnohich rajonach mocny, miescami pa zachadzie krainy vielmi mocny paryvisty viecier. Tempieratura pavietra nočču -1.. +5°C, dniom ad +5°C pa paŭnočnym zachadzie da +15°C pa paŭdniovym uschodzie krainy.
U niadzielu, 16 sakavika, Biełaruś budzie znachodzicca ŭ chałodnaj tyłavoj častcy cykłonu, centr jakoha pieramieścicca na Vierchniuju Vołhu.
U krainie rezka pachaładaje. Časam śnieh, zavirucha, na darohach hałalodzica.
Zachavajecca mocny, nočču miescami vielmi mocny paryvisty viecier. Tempieratura pavietra ŭnačy 0.. -5°C, udzień -2.. +5°C.
U pačatku nastupnaha tydnia pryjdzie novy cykłon.
Jon taksama stvoryć składanyja ŭmovy nadvorja, adznačyŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
Na bolšaj častcy krainy čakajecca viecier paryvami da 15-20 m/s, miescami da 25 m/s. Apadki ŭ asnoŭnym u vyhladzie śniehu i mokraha śniehu, tempieratura pavietra istotna nie źmienicca.
«Pra mocnyja marazy kazać nie davodzicca.
Tempieratura pavietra budzie blizkaja da nulavoj adznaki: nočču — słaba admoŭnaja, dniom — słaba stanoŭčaja», — adznačyŭ pradstaŭnik hidramieteacentra.
Treci cykłon pryjdzie ŭ Biełaruś u siaredzinie nastupnaha tydnia i pryniasie apadki ŭ vyhladzie śniehu, mokraha śniehu i paryvisty viecier.
«Papiarednie nadvorje palepšycca tolki da nastupnych vychadnych.
Z rostam atmaśfiernaha cisku apadkaŭ na bolšaj častcy terytoryi spyniacca i tempieratura pavietra znoŭ pačnie pastupova pavyšacca», — dadaŭ Rabaŭ.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień9
Kamientary