Čaves vynies na referendum mahčmaść pažyćciovaha prezydenctva, złučyŭšy prapanovu ŭ adzin pakiet z skaračeńniem pracoŭnaha dnia.
U stalicy Venesueły adbylisia sutyknieńni pamiž palicyjaj i studentami, jakija pratestavali suprać uniasieńnia źmienaŭ u kanstytucyju, što admianiali b abmiežavańni pa terminach prezydenctva.
Sotni pratestoŭcaŭ u centry Karakasa prarvalisia praz palicejskija kardony i pačali zakidvać kamianiami i butelkami nievialikija hrupki demanstrantaŭ, što mitynhavali ŭ padtrymku Čavesa. Dla razhonu studentaŭ palicyja vykarystała ślozatačyvy haz. Padčas sutyknieńnia niekalki čałaviek atrymali lohkija ranieńni.
Referendum pa prapanavanaj Čavesam reformie adbudziecca ŭ śniežni. Akramia terminaŭ paŭnamoctvaŭ prezydenta ŭ joj utrymlivajucca źmianieńni, što dazvalajuć zatrymlivać hramadzian biez abvinavačvańnia padčas palityčnych chvalavańniaŭ ci stychijnych biedstvaŭ.
Miarkujučy pa apytańniach, Čaves zmoža vyjhrać referendum, pakolki pakiet mieraŭ utrymlivaje, naprykład, skaračeńnie pracoŭnaha dnia i padtrymku vuličnych handlaroŭ. Suprać reformy ŭžo vystupiła venesuelskaja apazycyja, lidery studenckich arhanizacyjaŭ i venesuelskaja katalickaja carkva.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary