Pra zatrymańnie zabaronienaha śpievaka, jaki ciapier pracuje ŭ taksi, raskazała jaho žonka. «Majho muža zatrymali biez tłumačeńniaŭ. Jon nie parušaŭ ničoha!!!!!!!!!» — emacyjna raskazała jana ŭ sacsietkach.
Miedyjamieniedžar Kirył Vałošyn vykazaŭ mierkavańnie, što pryčynaj zatrymańnia stała videaintervju Alaksieja prajektu «Opuška», u jakim jon raskazaŭ pra toje, što jaho pazbavili mahčymaści vystupać, tamu jon pajšoŭ u taksisty.
U tym intervju Alaksiej raskazvaŭ, što z kanca 2021 hoda nie moža vystupać z kancertami i pracavać jak vykładčyk ci pradziusar. Jon dasyłaŭ reziumie ŭ roznyja kampanii, ale jamu ŭsie kazali, što pa peŭnych pryčynach nie mohuć uziać na pracu.
Kali ŭsiu finansavuju padušku siamja vykarystała, to Chlastoŭ vyrašyŭ pajści ŭ taksi. Tłumačyć, što šmat chto idzie tudy pracavać, da taho ž jon lubić kiravać aŭto.
Alaksiej vozić pasažyraŭ na BMW, a jaho syn — na elektramabili. Chlastoŭ sam prapanavaŭ synu pajści ŭ taksi, tamu cikava było zarablać hrošy.
Alaksiej doŭha nie pryznavaŭsia, što źmianiŭ prafiesiju. Tłumačyć: było psichałahična składana pryznać, što asnoŭnaja prafiesija nie artyst.
«Ja žyŭ dziakujučy scenie, žyŭ dziakujučy publicy. Składana adčuvać, što ty nie možaš praciahvać pracavać na scenie. Ja b skazaŭ… davajcie nazaviem heta śmiarotnaj karaj. Było ciažka, i sceny nie chapaje», — kaža jon.
-
U minskija kramy zavieźli ekzatyčnyja płady z Kałumbii
-
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
-
Jak ciapier vyhladaje staradaŭni kaścioł, na vyratavańnie jakoha dziaržava źbiraje achviaravańni FOTY
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary