U Kałonii N6 ŭ Branskaj vobłaści pačaŭsia bunt. Kala 100 asudžanych patrabujuć sustrečy z kiraŭnictvam miascovaha Upraŭleńnia fiederalnaj słužby vykanańnia pakarańniaŭ.
Bolš za tryccać čałaviek uskryli sabie vieny na znak pratestu suprać dziejańniaŭ inšych źniavolenych aktyvistaŭ, jakija supracoŭničajuć z administracyjaj kałonii. Hetak śćviardžajuć svajaki źniavolenych, jakija ŭvieś dzień dziažurać kala začynienaha ŭvachodu ŭ kałonii.
Jak pieradaje karespandent «Daždža», pa pierymietry kałonii dziažuryć AMAP. Viadoma, što ŭnačy kala 26 źniavolenych z atradu №8 uskryli sabie vieny. Kažuć, što ŭ Klincy vyjechała śpiecyjalnaja pravierka z Maskvy.
Pryčynaj buntu asudžanych moža być dziejnaść tak zvanych aktyvistaŭ — źniavolenych, jakija supracoŭničajuć z administracyjaj kałonii. Kałonija ŭ Klincach sumna viadomaja častymi vypadkami, kali aktyvisty ažyćciaŭlajuć ździeki, paboi i žorstkija katavańni inšych źniavolenych na karyść intaresaŭ administracyi. Mahčyma, siońnia ŭnačy adbyŭsia adzin z takich «vychavaŭčych» epizodaŭ.
Bunt źniavolenych supaŭ sa źmienaj kiraŭnictva UFSVP.
Videasiužet całkam hladzicie tut.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary