Foty ahienctva Rojterz. Pieršyja 10 — z aeradroma ŭ Kramatorsku, apošnija 3 — z Łuhanska.
Daradca ministra ŭnutranych spraŭ Ukrainy Stanisłaŭ Račynski paviedamiŭ padrabiaznaści apieracyi pa vyzvaleńni ad sieparatystaŭ vajennaha aeradroma ŭ Kramatorsk. Jon adznačyŭ, što ŭ antyterarystyčnaj apieracyi brali ŭdzieł bajcy śpiecpadraździaleńnia MUS «Amieha» i śpiecpadraździaleńnia SBU «Alfa».
Śpiecapieracyja była praviedziena biez achviar z boku ŭkrainskich pravaachoŭnikaŭ. U toj ža čas, pa papiaredniaj infarmacyi, paranieny adzin sieparatyst. Rasijskija infarmahienctvy paviedamlali ab niekalkich achviarach, a internet-sajty navat zajavili pra «vajnu suprać ułasnaha narodu».
Jak častka prapahandysckaj vajny, na rasijskich sajtach umomant źjavilisia videa pra nibyta padbity ŭ Kramatorsku viertalot. Jak akazałasia, heta było videa ź Siryi.
Ukrainskija siłaviki ŭziali ŭ pałon niekalki sieparatystaŭ. «Jość pałonnyja sieparatysty, pa ich kolkaści pakul niama infarmacyi», — adznačyŭ Račynski. Jon padkreśliŭ, što asnoŭnaj metaj apieracyi było «paźbiehnuć achviar siarod našych ludziej i zachavać žyćcio sieparatystam».
MUS taksama sfarmavała atrady samaabarony ź miascovaha nasielnictva ŭ 19 abłaściach. Hetyja padraździaleńni buduć nieści słužbu razam ź milicyjaj i buduć ŭzbrojenyja aŭtamatyčnaj zbrojaj.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva6
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3030
Kamientary