Hały Erlinha Chołanda na čempijanacie śvietu vyklikali mikraziemlatrusy ŭ Narviehii
Heta nie zusim ziemlatrus, ale siejsmohrafy fiksujuć takoje.

Dubl forvarda zbornaj Narviehii Erlina Chołanda ŭ matčy pieršaha tura čempijanatu śvietu 2026 hoda suprać Iraka (4:1) pryvioŭ da mikrasiejśmičnych vahańniaŭ u Bierhienie. Instytut siejsmałohii NORSAR zafiksavaŭ vibracyi, jakija supali pa časie z hałami forvarda, piša Championat.com
«Najbolš intensiŭnyja vahańni supadajuć z hałami Erlinha Chołanda, jakija vyklikali hučnyja vokličy siarod narviežskich zaŭziataraŭ», — havorycca ŭ zajavie NORSAR.
Śpiecyjalisty patłumačyli, što heta nie byŭ ziemlatrus. «Kali vialikaja kolkaść ludziej adnačasova reahuje na značnyja spartyŭnyja momanty, ich sumiesnyja ruchi mohuć stvarać vahańni ŭ ziamli, jakija rehistrujucca vysokačullivymi siejsmomietrami», — dadali ŭ instytucie.
Sihnały zafiksavała stancyja ŭ Bierhienie, dzie tysiačy hledačoŭ sačyli za matčam, niahledziačy na toje, što hulnia pačałasia apoŭnačy pa miascovym časie.
Nastupny matč zbornaja Narviehii praviadzie z kamandaj Sieniehała 23 červienia. U Narviehii budzie druhaja hadzina nočy.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu
Kamientary