17 krasavik Jeŭraparłamient źbirajecca razhledzieć rezalucyju, jakaja praduhledžvaje spynieńnie realizacyi prajekta «Paŭdniovy patok».
Bałharyja demantavała na svajoj terytoryi truby naftapravoda «Paŭdniovy patok» ź pieršym zvarnym švom. Pra heta paviedamlaje bałharskaje vydańnie «Bivoł'», pieradaje RBK-Ukraina.
«Heta adbyłosia paśla taho, jak Jeŭraparłamient vyrašyŭ, što prajekt «Paŭdniovy patok» nie pavinien realizoŭvacca», - adznačaje vydańnie i vykładaje fatahrafii, jak było da hetaha i stała paśla demantažu trub.
Pieršaje zvarnoje švo jak simvał pačatku budaŭnictva rasiejskaha trubapravoda praz terytoryju Bałharyi było zroblena ŭ kastryčniku 2013 pry ŭdziele pradstaŭnikoŭ rasijskaj kampanii «Hazprom».
17 krasavik Jeŭraparłamient źbirajecca razhledzieć rezalucyju, jakaja praduhledžvaje spynieńnie realizacyi prajekta «Paŭdniovy patok». Jaje padrychtavali pradstaŭniki Jeŭrapiejskaj narodnaj partyi, jeŭrapiejskich sacyjalistaŭ, libierałaŭ, zialonych i kansiervataraŭ.
«Paŭdniovy patok» (South Stream) — rasiejska-italjana-francuzska-niamiecki prajekt hazapravoda, jaki pavinien byŭ prajści pa dnie Čornaha mora z Anapskaha rajona ŭ bałharski port Varna. Dalej jaho dźvie haliny projduć praz Bałkanski paŭvostraŭ u Italiju i Aŭstryju, choć ich dakładnyja maršruty pakul nie zaćvierdžany. Budaŭnictva hazapravoda pačałosia 7 śniežnia 2012 i pa płanie pavinna było skončycca ŭ 2015 h.
Płanujemaja mahutnaść «Paŭdniovaha patoku» — 63 młrd kubamietraŭ hazu ŭ hod. Acenačny košt prajekta — 16 młrd jeŭra.
«Paŭdniovy patok» stvaraŭsia dla dyviersifikacyi pastavak rasiejskaha pryrodnaha hazu ŭ Jeŭropu i źnižeńnia zaležnaści pastaŭščykoŭ i pakupnikoŭ ad krain-tranzicioraŭ, u pryvatnaści ad Ukrainy i Turcyi. «Paŭdniovy patok» ličyŭsia kankurentnym prajektam płanavanaha hazapravoda «Nabuka», jaki pavinien prajści adrazu ŭ Jeŭropu na poŭdzień ad Rasiei i jaki padtrymlivajuć Jeŭrasajuz i ZŠA.
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie2
Kamientary