17 красавік Еўрапарламент збіраецца разгледзець рэзалюцыю, якая прадугледжвае спыненне рэалізацыі праекта «Паўднёвы паток».
Балгарыя дэмантавала на сваёй тэрыторыі трубы нафтаправода «Паўднёвы паток» з першым зварным швом. Пра гэта паведамляе балгарскае выданне «Биволъ», перадае РБК-Украіна.
«Гэта адбылося пасля таго, як Еўрапарламент вырашыў, што праект «Паўднёвы паток» не павінен рэалізоўвацца», - адзначае выданне і выкладае фатаграфіі, як было да гэтага і стала пасля дэмантажу труб.
Першае зварное шво як сімвал пачатку будаўніцтва расейскага трубаправода праз тэрыторыю Балгарыі было зроблена ў кастрычніку 2013 пры ўдзеле прадстаўнікоў расійскай кампаніі «Газпром».
17 красавік Еўрапарламент збіраецца разгледзець рэзалюцыю, якая прадугледжвае спыненне рэалізацыі праекта «Паўднёвы паток». Яе падрыхтавалі прадстаўнікі Еўрапейскай народнай партыі, еўрапейскіх сацыялістаў, лібералаў, зялёных і кансерватараў.
«Паўднёвы паток» (South Stream) — расейска-італьяна-французска-нямецкі праект газаправода, які павінен быў прайсці па дне Чорнага мора з Анапскага раёна ў балгарскі порт Варна. Далей яго дзве галіны пройдуць праз Балканскі паўвостраў у Італію і Аўстрыю, хоць іх дакладныя маршруты пакуль не зацверджаны. Будаўніцтва газаправода пачалося 7 снежня 2012 і па плане павінна было скончыцца ў 2015 г.
Плануемая магутнасць «Паўднёвага патоку» — 63 млрд кубаметраў газу ў год. Ацэначны кошт праекта — 16 млрд еўра.
«Паўднёвы паток» ствараўся для дыверсіфікацыі паставак расейскага прыроднага газу ў Еўропу і зніжэння залежнасці пастаўшчыкоў і пакупнікоў ад краін-транзіцёраў, у прыватнасці ад Украіны і Турцыі. «Паўднёвы паток» лічыўся канкурэнтным праектам планаванага газаправода «Набука», які павінен прайсці адразу ў Еўропу на поўдзень ад Расеі і які падтрымліваюць Еўрасаюз і ЗША.
Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі27
Каментары