Praŭleńnie Centrabanka Litvy zaćvierdziła etałony litoŭskich jeŭra 2015 vypusku, pa jakich buduć rabić litoŭskija maniety.
«Jeŭra ŭ Litvie nabyvaje realny źniešni vyhlad — litoŭskija maniety z ukazańniem 2015 ŭžo isnujuć nie tolki na papiery, jany adčakanieny ź mietału
Etałony jeŭramaniet — heta vysakajakasnyja ŭzory, takimi buduć maniety, jakija buduć źvinieć u kašalkach u žycharoŭ Litvy», — skazaŭ staršynia praŭleńnia Centrabanka Vitas Vasilaŭskas.
Pavodle jaho słoŭ, masavaja čakanka litoŭskich maniet pavinna pačacca ŭ kancy leta, kali budzie pryniata rašeńnie Rady ES ab uviadzieńni jeŭra ŭ Litvie. Usiaho ŭ Litvie buduć adčakanieny 370 młn adzinak maniet.
Dyzajn nacyjanalnaha boku maniet stvaryŭ skulptar Antanas Žukaŭskas. Praŭleńnie Centrabanka zaćvierdziła try roznyja varyjanty aviersu.
Na ich — simvał Litoŭskaj dziaržavy «Pahonia», nadpis Lietuva, 2015 i 12 zoračak: na manietach vartaściu ŭ 1 i 2 jeŭra — na fonie viertykalnych linij; 10, 20 i 50 jeŭracentaŭ — na fonie haryzantalnych linij; 1, 2 i 5 jeŭracentaŭ — na roŭnym fonie.
Na hurcie litoŭskaj maniety vartaściu 2 jeŭra adčakanieny słovy: Laisve, Vienybe, Gerove (Svaboda, jednaść, dabrabyt ).
Maniety buduć čakanić na Manietnym dvary ŭ Vilni.
Litva choča ŭvieści jeŭra z 1 studzienia 2015 hoda.
Ciapier čytajuć
«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu11
Kamientary