U Kramatorsku na aeradromie snajpier padstreliŭ viertalot, toj ŭzarvaŭsia FOTA, VIDEA
12:58
Viertalot ŭ Kramatorsku byŭ prastreleny adzinočnym snajpierskim strełam.
Pra heta paviedamiŭ kiraŭnik Antyterarystyčnaj apieracyi Vasil Krutaŭ ŭ piatnicu. «Viertalot na aeradromie ŭ Kramatorsku byŭ abstralany adzinočnym snajpierskim strełam na stajancy. Streł byŭ zrobleny ŭ bak z haručym. U suviazi z hetym adbyŭsia vybuch», — skazaŭ jon.
Krutaŭ adznačyŭ, što ŭ vyniku vybuchu paciarpieŭ kamandzir ekipažu. Razam z tym, jon adznačyŭ, što zachoŭvajecca pahroza padryvu bojeprypasaŭ viertalota.
12:34
Kiraŭnik Centra vajenna-palityčnych daśledavańniaŭ, kaardynatar hrupy «Infarmacyjnaje supraciŭ» Dźmitryj Tymčuk paviedamiŭ, što na aeradromie ŭ Kramatorsku ŭ vyniku abstrełu ŭzarvaŭsia viertalot Mih-8.
Ab hetym Tymčuk skazaŭ padčas pres-kanfierencyi ŭ Kijevie.
Jon adznačyŭ, što pavodle infarmacyi krynic u Kramatorsku, achviar u vyniku vybuchu niama, kamandzir viertalota paśpieŭ vyskačyć. «Papiaredniaja viersija — abstreł padčas razahrevu pierad uźlotam viertalota», - skazaŭ jon.
12:21
U Kramatorsku (Danieckaja vobłaść) na aeradromie dniom 25 krasavika prahrymieli vybuchi. Pra heta ŭ svaim Facebook paviedamiŭ Uładzimir Kucharaŭ, jaki znachodzicca na miescy padziej.
Pavodle jaho słoŭ, prahrymieli dva vybuchi. «Za Kramatorskam kala druhoha vychadu na aeradromie tolki prahrymieŭ vybuch, ciapier dymić», — napisaŭ jon kala 11:30.
Krychu paźniej, pa jaho słovach, adbyŭsia jašče adzin vybuch. Paviedamlajecca, što paźniej — jašče dva.
U rajonie aeradroma, jaki kantraluje ŭkrainskaja armija, čuvać stralanina i bačny čorny dym, paviedamlaje RIA «Novosti» sa spasyłkaj na svajho karespandenta.
Pavodle papiaredniaj infarmacyi, jakuju pryvodzić ahienctva, apałčency padbili adzin z BTRaŭ. Infarmacyi ab achviarach i paciarpiełych pakul niama.
Taksama paviedamlałsia ŭ sacsietkach, što vybuchnuŭ viertalot.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary