Člen dumskaha kamiteta pa kanstytucyjnym zakanadaŭstvie, pradstaŭnik Dziarždumy ŭ Viarchoŭnym sudzie Uładzimir Ponieviežskij («Adzinaja Rasija») nakiravaŭ va ŭrad dla atrymańnia vodzyvu zakonaprajekt, jakim pryznajucca «zaviedama niepravasudnymi» rašeńni zamiežnych sudoŭ pa spravach, jakija pavinny razhladacca ŭ RF.
U vypadku, kali pa rašeńni suda hramadzianam i jurydyčnym asobam budzie naniesieny ŭron, jany zmohuć pretendavać na kampiensacyju ź biudžetu RF za parušeńnie ich pravoŭ na razhlad spravy kampietentnym sudom RF. Kiraŭnik dumskaha kamiteta pa kanstytucyjnym zakanadaŭstvie Uładzimir Plihin zajaviŭ, što «zakonaprajekt nakiravany na abaronu pravoŭ i intaresaŭ» rasiejcaŭ.
Aŭtar zakonaprajekta patłumačyŭ, što «ciapier składvajecca takaja mižnarodnaja abstanoŭka, što ŭ dačynieńni da rasiejskich hramadzian sudy inšych krain mohuć vynosić niepravasudnaja rašeńni».
Inicyjatyva ŭžo spadabałasia nielehitymnamu vice-premjeru Kryma Rustamu Temirhalijevu, na dumku jakoha, mienavita vakoł Kryma moža ŭźniknuć «šmat mižnarodnych sudoŭ, źviazanych z majomaściu, z rašeńniami respublikanskich uładaŭ».
Nahadajem, što ŭ sakaviku akupacyjnyja krymskija ŭłady pryniali rašeńnie ab nacyjanalizacyi pradpryjemstvaŭ, jakija znachodziacca va ŭłasnaści Ukrainy, i ich pierachodzie va ŭłasnaść Kryma.
«Razumiejučy, što mižnarodnyja sudy ŭ dadzienym vypadku mohuć być zaanhažavanyja, schilnyja da padvojnych standartaŭ, hetaja inicyjatyva moža mieć surjozny sens», — zajaviŭ Temirhalijeŭ.
Što zapisana aficyjnaj pryčynaj śmierci adzinaha syna Jarmošynaj?7
Kamientary