Na sustrečy prezidentaŭ Biełarusi i Rasii ŭ Maskvie 8 maja dasiahnuta damoŭlenaść ab tym, što ŭžo ŭ hetym miesiacy Rasija pieraličyć Biełarusi dva miljardy dołaraŭ kredytu dla padtrymańnia zołatavalutnych reziervaŭ (ZVR).
Pra heta paviedamiŭ Alaksandr Łukašenka, adkazvajučy 9 maja na pytańni žurnalistaŭ paśla cyrymonii ŭskładańnia viankoŭ da manumienta Pieramohi ŭ Minsku.
«My damovilisia ab tym, što Rasijskaja Fiederacyja, jak heta i było abiacana, pieraličyć nam dva miljardy dołaraŭ. Heta adbudziecca ŭžo ŭ mai. Dumaju, što praz tydzień my heta pytańnie vyrašym», — zajaviŭ jon.
Hetyja kredytnyja resursy buduć vykarystanyja dla papaŭnieńnia zołatavalutnych reziervaŭ, padkreśliŭ Łukašenka.
Nahadajem, ab kredytavańni Biełarusi ŭ 2014 hodzie na ahulnuju sumu da 2 młrd. dołaraŭ Uładzimir Pucin i Alaksandr Łukašenka damovilisia 25 śniežnia minułaha hoda na pasiadžeńni Vyšejšaha dziaržsavieta Sajuznaj dziaržavy. Nastupnym dniom paśla pieramoŭ prezidentaŭ urad RF uchvaliŭ mižuradavaje pahadnieńnie ab vydzialeńni Minsku 450 młn. dołaraŭ dziaržaŭnaha kredytu pad 4% hadavych terminam na 10 hadoŭ. Pieršaja častka rasijskaha kredytu pastupiła ŭ Biełaruś u kancy śniežnia.
Kamientary