Ładućka pra ČS: Nieabchodna pavysić kulturny składnik zony haścinnaści kala Ladovaha pałaca
Staršynia Minharvykankama Mikałaj Ładućka siońnia na apieratyŭnaj naradzie zapatrabavaŭ ad kiraŭnikoŭ słužbaŭ Minska maksimalnaj uvahi ŭ płanie padtrymańnia paradku ŭ Minsku ŭ čas praviadzieńnia čempijanatu śvietu pa chakiei.
«Kolkaść haściej, jakich my płanavali pryniać u čas ČS pa chakiei, pavialičyłasia ŭ 2,5 raza. Adpaviedna, nahruzka i ŭvaha słužbaŭ taksama pavinny pavialičycca ŭ razy. Ale nijakich skarhaŭ i zaŭvah pa funkcyjanavańni Minska, heta značyć usich słužbaŭ stalicy, być nie pavinna», - skazaŭ Mikałaj Ładućka.
Jon adznačyŭ, što ŭ cełym zadača pa zabieśpiačeńni paradku na terytoryi Minska vykanana i atrymlivaje stanoŭčyja vodzyvy z boku haściej čempijanatu. Siońnia staić zadača zachavać paradak na vulicach horada. Asablivuju ŭvahu mer źviarnuŭ na svoječasovy vyvaz śmiećcia z dvarovych terytoryj, a taksama ŭtrymańnie padvałaŭ i paddaškaŭ.
Mikałaj Ładućka nahadaŭ, što pad asablivym kantrolem pavinna znachodzicca rabota zon haścinnaści, adznačyŭšy, što jany karystajucca vialikim popytam u žycharoŭ i haściej horada. Pavodle słoŭ mera, nieabchodna pavysić kulturny składalnik zony haścinnaści kala Minskaha ladovaha Pałaca sportu (vuł.Prytyckaha).
Kamientary