Ладуцька пра ЧС: Неабходна павысіць культурны складнік зоны гасціннасці каля Лядовага палаца
Старшыня Мінгарвыканкама Мікалай Ладуцька сёння на аператыўнай нарадзе запатрабаваў ад кіраўнікоў службаў Мінска максімальнай увагі ў плане падтрымання парадку ў Мінску ў час правядзення чэмпіянату свету па хакеі.
«Колькасць гасцей, якіх мы планавалі прыняць у час ЧС па хакеі, павялічылася ў 2,5 раза. Адпаведна, нагрузка і ўвага службаў таксама павінны павялічыцца ў разы. Але ніякіх скаргаў і заўваг па функцыянаванні Мінска, гэта значыць усіх службаў сталіцы, быць не павінна», - сказаў Мікалай Ладуцька.
Ён адзначыў, што ў цэлым задача па забеспячэнні парадку на тэрыторыі Мінска выканана і атрымлівае станоўчыя водзывы з боку гасцей чэмпіянату. Сёння стаіць задача захаваць парадак на вуліцах горада. Асаблівую ўвагу мэр звярнуў на своечасовы вываз смецця з дваровых тэрыторый, а таксама ўтрыманне падвалаў і паддашкаў.
Мікалай Ладуцька нагадаў, што пад асаблівым кантролем павінна знаходзіцца работа зон гасціннасці, адзначыўшы, што яны карыстаюцца вялікім попытам у жыхароў і гасцей горада. Паводле слоў мэра, неабходна павысіць культурны складальнік зоны гасціннасці каля Мінскага лядовага Палаца спорту (вул.Прытыцкага).
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы60
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары