Zajava namieśnika Raskamnahlada Maksima Ksianzova pra toje, što ŭ Rasii mohuć zabłakavać Twitter i Facebook, źjaŭlajecca pazicyjaj viedamstva, paviedamiŭ telekanału «Dožd́» u piatnicu, 16 maja, pres-sakratar Raskamnahlada Vadzim Ampiełonski.
«U viedamstvie sapraŭdy razhladajuć mahčymaść poŭnaj błakiroŭki Twitter i Facebook i nie bačać u hetym nijakich ryzyk. Ksianzoŭ dosyć vyrazna i padrabiazna sfarmulavaŭ pazicyju Raskamnahladu», — zajaviŭ Ampiełonski.
«Heta namieśnik kiraŭnika. Naturalna, jon vystupaŭ nie jak Maksim Ksianzoŭ, a jak aficyjny pradstaŭnik našaha viedamstva», — dadaŭ jon.
Raniej Ksianzoŭ zajaviŭ u ŚMI, što kiraŭnictva niekatorych zamiežnych internet-kampanij nie idzie na kantakt z rasijskimi ŭładami i «vykarystoŭvajuć karystalnikaŭ jak instrumient palityki». Raskamnahlad usprymaje heta jak «sacyjalnuju pahrozu» i hatovy zabłakavać Twitter abo Facebook u Rasii, bo nie bačyć u hetym vialikich ryzyk.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?7
Kamientary