Na polska-biełaruskaj miažy pastavili biłbordy «Čempijanat śvietu pa palitviaźniach» FOTA
Pablizu biełaruskaj miažy haściej minskaha čempijanatu śvietu pa chakiei sustrakajuć biłbordy z napaminam pra biełaruskich palitviaźniaŭ. Biłbordy ŭstalavanyja na terytoryi Polščy niedaloka ad pamiežnych pierachodaŭ Brest — Ciarespal i Bruzhi — Kuźnica.
Na ich — vyjavy, jakija stali ŭžo papularnymi ŭ sacyjalnych sietkach, — chakiejny šlem, abłytany kalučym drotam, i nadpis na anhlijskaj movie: «Čempijanat śvietu pa palitviaźniach. Biełaruś 2014».
Nižej — zaklik «Nie hulaj z dyktataram» i spasyłka na sajt www.statkevich.org.
Akcyju ažyćciavili siabry hramadzianskaj inicyjatyvy «Svabodu Mikałaju Statkieviču i inšym palitviaźniam», u jakuju ŭvachodziać siabry inicyjatyŭnaj hrupy eks-kandydata ŭ prezidenty, asudžanaha na šeść hadoŭ źniavoleńnia Mikałaja Statkieviča, rodnyja byłych i siońniašnich palitviaźniaŭ, nieabyjakavyja ludzi.
Maryna Adamovič — žonka Mikałaja Statkieviča — kaža, što takim čynam siabry inicyjatyvy chacieli nahadać chakiejnym zaŭziataram i hramadzianam Biełarusi, jakija vyjazdžajuć za miažu, ab parušeńni pravoŭ čałavieka ŭ našaj krainie.
«Nie sakret, što amal try hady pravodziłasia mižnarodnaja kampanija z patrabavańniem pieranosu Čempijanatu ŭ inšuju krainu, kali ŭ Biełarusi praciahvajucca parušeńni pravoŭ čałavieka, kali za kratami zastajucca palitviaźni.
Hetaha nie zdaryłasia. Naadvarot, situacyja stała tolki horšaj.
Zajavy, što sport pa-za palitykaj, vyhladajuć asabliva cyničnymi zaraz, kali, adrazu paśla sočynskaj Alimpijady, praviedzienaj nasupierak patrabavańniam jaje pieranosu, Rasija ažyćciaviła ahresiju va Ukrainie, kali ŭ našaj krainie za kratami pradkazalna apynulisia dziesiatki demakratyčnych aktyvistaŭ pa cyničnych abvinavačvańniach i na biesprecedentnyja terminy.
Heta śviata — nie dla ŭsich. My b chacieli, kab ludzi pamiatali ab hetym».
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje6
Kamientary