U Horłaŭcy vyzvalenyja z pałonu sieparatystaŭ milicyjanty, «rasstreł» jakich 27 maja insceniravaŭ teraryst «Bies» — Ihar Bieźler.
Pra heta paviedamlaje Ostrov sa spasyłkaj na krynicy ŭ pravaachoŭnych orhanach i ŭ asiarodździ adnaho ź milicyjantaŭ.
Pavodle infarmacyi krynic, namieśnik načalnika kryminalnaj milicyi Kalininskaha rajona Horłaŭki Babiuk i načalnik kryminalnaha vyšuku hetaha ž rajona Krykunoŭ vyzvalenyja sieparatystami čaćvier ranicaj.
U abodvuch adabrali aŭtamabili, i abodva mocna źbityja.
Milicyjantaŭ zatrymali 27 traŭnia i trymali ŭ pamiaškańni horłaŭskaha ABAZu. U hety ž dzień byŭ insceniravany rasstreł Babiuka i Krykunova «za parušeńnie prysiahi DNR».
Pierad asabovym składam rajadździeła byli vyviedzienyja dva čałavieki ź miachami na hałovach, «kamisar» Horłaŭki, były načalnik PPS horada, Alaksandr Šulženka začytaŭ zahad ab rasstrele, a teraryst Bieźler ź jaho ludźmi zrabili streły.
Heta prymusiła načalnika horłaŭskaha haradskoha ŭpraŭleńnia milicyi Kryščanku zajavić ab rasstrele aficeraŭ. Ale paźniej vyśvietliłasia, što «rasstreł» vioŭsia chałastymi patronami.
Pa nieaficyjnaj infarmacyi, terarysty ŭsio ž rasstralali dvuch čałaviek, ale nie Babiuka i Krykunova. Ich asoby nieviadomyja.
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary