У Горлаўцы вызваленыя з палону сепаратыстаў міліцыянты, «расстрэл» якіх 27 мая інсцэніраваў тэрарыст «Бес» — Ігар Безлер.
Пра гэта паведамляе Остров са спасылкай на крыніцы ў праваахоўных органах і ў асяроддзі аднаго з міліцыянтаў.
Паводле інфармацыі крыніц, намеснік начальніка крымінальнай міліцыі Калінінскага раёна Горлаўкі Бабюк і начальнік крымінальнага вышуку гэтага ж раёна Крыкуноў вызваленыя сепаратыстамі чацвер раніцай.
У абодвух адабралі аўтамабілі, і абодва моцна збітыя.
Міліцыянтаў затрымалі 27 траўня і трымалі ў памяшканні горлаўскага АБАЗу. У гэты ж дзень быў інсцэніраваны расстрэл Бабюка і Крыкунова «за парушэнне прысягі ДНР».
Перад асабовым складам райаддзела былі выведзеныя два чалавекі з мяхамі на галовах, «камісар» Горлаўкі, былы начальнік ППС горада, Аляксандр Шульжэнка зачытаў загад аб расстрэле, а тэрарыст Безлер з яго людзьмі зрабілі стрэлы.
Гэта прымусіла начальніка горлаўскага гарадскога ўпраўлення міліцыі Крышчанку заявіць аб расстрэле афіцэраў. Але пазней высветлілася, што «расстрэл» вёўся халастымі патронамі.
Па неафіцыйнай інфармацыі, тэрарысты ўсё ж расстралялі двух чалавек, але не Бабюка і Крыкунова. Іх асобы невядомыя.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары