Pračytaŭšy pra draku ŭ kafe Krynica na homielskim Sielmašy, padumaŭ:maje racyju dyrektar MUS Naŭmaŭ nakont tatalnaj zabarony prodažu śpirtnoha z 21 hadziny. Kali b jaho prajekt byŭ realizavany, padziei ŭ Kryinicy vyhladali absalutna inakš.
Navat ŭjaviŭ infarmašku BiełApan,
“10 listapada ŭ homielskim kafe Krynica adbyłasia cikavaje hramadskaje mierapryjemstva.
Naviedvalniki Krynicy siadzieli, pili małako i harbatu i rychtavalisia da zaniatkaŭ pa palitinfarmacyi. U hety čas adzin chłopiec daŭ dziaŭčyncy ŭ tvar, pakolki taja nie viedała na kolki vyrasła praduktyŭnaść chimvałakna paśla pryniacca treciaj dyrektyvy.
Pryjacieli dziaŭčynki skazali chłopcu, što jahonaja ličba nie adpaviadaje realnaści, jana zanižanaja i vyklikali jaho na pasiedžańnie biuro siabroŭ BRSM bandy Kasoha.
Pasiedžańnie adbyłosia prama na vulicy kala kafe. .
Adnak padčas zboraŭ uźnikli niestykoŭki. Adzin bok śćviardžaŭ, što rost pradukcyi chimvałakna skłaŭ 45 adsotkaŭ, a druhi, što 49 adsotkaŭ. U vyniku kab vyjaśnić iścinu moładź pačała zvanić pa mabilnych telefonach da znajomych (zvanok druhu) i zaprašać pryjadnacca da dyskusii.
Takim čynam na momant źjaŭleńnia milicyi u palemicy ŭdzielničała kala 50 asobaŭ. Kali udzielniki dysputu pabačyli dvuch supracoŭnikaŭ departamienta achovy, jany pierastali dyskutavać i paprasili u achoŭnikaŭ paradku aŭtamaty kab salutam vitać dasiahnieńni ajčynnych chimvałakonščykaŭ. Adnak milicyjaniery admovilisia addać aŭtamaty pakolki samy chacieli salutavać dasiahnieńniam hetaj haliny. Na vystrały salutu pryjechała jašče šeść mašyn AMAP. Na hety čas uzhadaŭšy, što zranku im čytać lekcyju pra vizit u Minsk kitajskaha premjera i zaklučeńnia vyhadnych kitajska-biełaruskich kantraktaŭ, udzielniki dyskusii raźbiehlisia. Akramia šaści čałaviek. Ich milicyjaniery dastavili ŭ pastarunak kab razam zapoŭnić błanki padpiski na Sovietskuju Biełoruśsiju na 2008 hod. .
U departamiencie achovy Čyhunačnaha rajonu Homiela padćvierdzili fakt masavaj palemiki na temu aktualnych prablemaŭ chimičnaj industryi.
Razam z tym, kamientavać toje, što adbyłosia ŭ milicyi admovilisia, zajaviŭšy, što pierachodziačy vympieł za dobruju pracu siabram BRSM vydaje prakuratura. Žychary susiedniaha rajona z kafe paviedamili BiełaPAN, što patryjatyčnyja dysputy ŭ Krynicie sprava zvyčajnaja i takuju zacikaŭlenaść klijenty pracesami ŭ hramadstvie demanstrujuć nie ŭ pieršy raz».
BiełApan.
