Prezident ZŠA Barak Abama zajaviŭ, što hatovy adnavić davier u adnosinach z rasijskim lidaram Uładzimiram Pucinym. Adnak dla hetaha, pa słovach kiraŭnika Biełaha doma, Rasija pavinna advieści svaje vojski ad zachodnich miežaŭ i skarystacca svaim upłyvam na paŭdniovy ŭschod Ukrainy, paviedamlaje Associated Press.
Vašynhton, jak adznačyŭ Abama, zaŭsiody imknuŭsia da dobrych stasunkaŭ z Maskvoj. Amierykanski lidar pryznaŭ, što Rasija zacikaŭlena ŭ biaśpiecy svaich miežaŭ, nahadaŭšy, što Kreml pavinien pavažać mižnarodnaje prava, u tym liku terytaryjalnuju cełasnaść inšych krain.
Abama taksama zaklikaŭ Rasiju akazać cisk na bajevikoŭ, jakija vajujuć na paŭdniovym uschodzie Ukrainy, kab tyja spynili napady na ŭradavyja vojski. Kali Rasija praciahnie rabić zachady, «jakija destabilizujuć situacyju va Ukrainie», jaje čakajuć novyja sankcyi, papiaredziŭ kiraŭnik Biełaha doma.
Pucin pavinien pryznać zakonnymi vybary prezidenta Ukrainy i asabista sustrecca z novym kiraŭnikom dziaržavy Piatrom Parašenkam, padkreśliŭ Abama. Pry hetym amierykanski lidar dadaŭ, što maje namier asabista skazać pra heta Pucinu ŭ chodzie vizitu ŭ Francyju, dzie buduć prachodzić ŭračystyja mierapryjemstvy ŭ honar 70-hodździa vysadki sajuznych vojskaŭ u Narmandyi (Francyja). Raniej, nahadajem, u Biełym domie zajaŭlali, što dvuchbakovaja sustreča Abamy z Pucinym tam nie płanujecca.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary