Prezident Uładzimir Pucin zajaviŭ, što nie płanuje adradžać Rasijskuju impieryju, a kraina budzie raźvivacca tolki ŭ svaich miežach.
«Ni rasijskaha nacyjanalizmu my nie budziem padtrymlivać, ni impieryju nie źbirajemsia adradžać», - skazaŭ Pucin u intervju francuzskim ŚMI. Tak jon adreahavaŭ na prośbu žurnalistaŭ prakamientavać jaho vykazvańnie 2005 h. ab tym, što razvał SSSR staŭ samaj strašnaj hieapalityčnaj katastrofaj XX stahodździa, i patłumačyć, jaki šlach Rasii: «rasijski nacyjanalizm ci impieryja Rasija ŭ minułych miežach».
«My chočam raźvivać svaju krainu, zrazumieła, u svaich miežach. Ale, što vielmi važna, my chočam, kab i my, hetak ža jak i inšyja krainy ŭ mnohich rehijonach śvietu, vykarystoŭvali sučasnyja srodki pavyšeńnia svajoj kankurentazdolnaści, u tym liku šlacham ekanamičnaj intehracyi», — skazaŭ Pucin.
Jon adznačyŭ, što ciapier heta robicca na postsavieckaj prastory ŭ ramkach Mytnaha i Jeŭrazijskaha sajuzaŭ.
Prezident rastłumačyŭ, što, kažučy pra raspad SSSR, jon mieŭ na ŭvazie, što jon staŭ pierš za ŭsio humanitarnaj katastrofaj, «što ŭ ramkach Savieckaha Sajuza ŭsie hramadzianie, pa-za zaležnaści ad etničnaj prynaležnaści, žyli ŭ adzinaj dziaržavie, a paśla raspadu SSSR 25 młn ruskich ludziej niečakana dla siabie raptam apynulisia za miažoj». «Heta nie palityčnaja, nie ideałahičnaja katastrofa, heta čysta humanitarnaja prablema. Apynulisia razrezanymi siemji, ludzi zastalisia biez pracy, biez srodkaŭ da isnavańnia, biez mahčymaści narmalna mieć znosiny adzin z adnym. U hetym prablema», — skazaŭ Pucin.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary