U Viciebsku strajkujuć pradprymalniki FOTA, VIDEA
Na rynkach i ŭ handlovych centrach Viciebska siońnia biaźludna: pradprymalniki, jakija handlujuć pramysłovymi tavarami, nie vyjšli na pracu.
Takim čynam jany pratestujuć suprać patrabavańniaŭ techničnaha rehłamientu Mytnaha sajuza, jaki ličać čarhovym vymahańniem hrošaj u dziaržaŭny biudžet. Svaju akcyju pratestu viciebskija pradprymalniki nazyvajuć «adnadzionnym papieradžalnym spynieńniem pracy», ale nie vyklučajuć, što z 1 lipienia pracu daviadziecca spynić uvohule.
Pavodle dadzienych karespandenta «NN», rynak «Smalenski» začynieny na 95%, handlovyja centry «Evikom» — na 90%, «Kantynient» — na 50%, «Biełaruś» — na 40%, rynak u Lepieli — na 40%, u Mahilovie — na 10%.
«Z 1 lipienia my faktyčna budziem vymušanyja začynicca. My navat nie zmožam pradavać reštki, jakija pryvieźli niekalki hod tamu: na ich zaraz patrabujuć dakumienty, jakija raniej byli niepatrebnyja. My płocim padatak, u 4 razy bolšy za bazavuju staŭku dla pradprymalnikaŭ, tamu što pryvozim impart i tamu, što možam pryvozić tavar biez supravadžalnych dakumientau.
Ale zaraz z nas patrabujuć hetyja dakumienty, a tavary my vozim z Rasii — jaki heta impart, kali my u adzinaj ekanamičnaj prastory, u Mytnym sajuzie? Da taho ž, u nas patrabujuć dakumienty, jakich niama ŭ rasijskich pradprymalnikaŭ, jany prosta nie mohuć nam ich dać. Niaŭžo nielha ŭnifikavać zakanadaŭstva u krainach Mytnaha sajuza? Tak pracavać niemahčyma!» — kaža Iryna Jaskievič, staršynia arhanizacyjnaj hrupy pa stvareńni niezaležnaha prafsajuza pradprymalnikaŭ «Razam».
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»29
Kamientary