У Віцебску страйкуюць прадпрымальнікі ФОТА, ВІДЭА
На рынках і ў гандлёвых цэнтрах Віцебска сёньня бязлюдна: прадпрымальнікі, якія гандлююць прамысловымі таварамі, не выйшлі на працу.
Такім чынам яны пратэстуюць супраць патрабаванняў тэхнічнага рэгламенту Мытнага саюза, які лічаць чарговым вымаганнем грошай у дзяржаўны бюджэт. Сваю акцыю пратэсту віцебскія прадпрымальнікі называюць «аднадзённым папераджальным спыненнем працы», але не выключаюць, што з 1 ліпеня працу давядзецца спыніць увогуле.
Паводле дадзеных карэспандэнта «НН», рынак «Смаленскі» зачынены на 95%, гандлёвыя цэнтры «Эвіком» — на 90%, «Кантынент» — на 50%, «Беларусь» — на 40%, рынак у Лепелі — на 40%, у Магілёве — на 10%.
«З 1 ліпеня мы фактычна будзем вымушаныя зачыніцца. Мы нават не зможам прадаваць рэшткі, якія прывезлі некалькі год таму: на іх зараз патрабуюць дакументы, якія раней былі непатрэбныя. Мы плоцім падатак, у 4 разы большы за базавую стаўку для прадпрымальнікаў, таму што прывозім імпарт і таму, што можам прывозіць тавар без суправаджальных дакументау.
Але зараз з нас патрабуюць гэтыя дакументы, а тавары мы возім з Расіі — які гэта імпарт, калі мы у адзінай эканамічнай прасторы, у Мытным саюзе? Да таго ж, у нас патрабуюць дакументы, якіх няма ў расійскіх прадпрымальнікаў, яны проста не могуць нам іх даць. Няўжо нельга ўніфікаваць заканадаўства у краінах Мытнага саюза? Так працаваць немагчыма!» — кажа Ірына Яскевіч, старшыня арганізацыйнай групы па стварэнні незалежнага прафсаюза прадпрымальнікаў «Разам».
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары