Na siońniašni dzień kancern «Biełdziaržcharčpram» padpisaŭ 22 pahadnieńni ab imparcie piva z pastaŭščykami i nivodnaha — kandytarskich vyrabaŭ. Pra heta paviedamili ŭ pres-słužbie viedamstva.
1 červienia pastanovaj Savieta ministraŭ № 469 «Ab licenzavańni impartu asobnych vidaŭ makaronnych vyrabaŭ, a taksama kandytarskich vyrabaŭ i syraviny dla ich vytvorčaści z-za miežaŭ adzinaj mytnaj terytoryi Mytnaha sajuza» ŭviedziena abaviazkovaje licenzavańnie hetaj pradukcyi Minhandlem paśla padpisańnia pahadnieńniaŭ ab minimalnych cenach z kancernam «Biełdziaržcharčpram».
Akramia taho, 1 maja Biełaruś uviała licenzavańnie impartu piva z-za miežaŭ Mytnaha sajuza. Impart piva ažyćciaŭlajecca zaraz pa razavych licenzijach, vydavać jakija upaŭnavažana Ministerstva handlu pa ŭzhadnieńni z kancernam «Biełdziaržcharčpram». Padstavaj dla vydačy licenzii źjaŭlajecca padpisańnie imparcioram dakumienta ź biełaruskim bokam ab minimalnych cenach na piva, pa jakich jačmienny napoj budzie pradavacca ŭ Biełarusi.
Adnosna impartu kandytarskich vyrabaŭ pres-sakratar «Biełdziaržcharčprama» Alena Kraviec udakładniła, što «zajaŭki na atrymańnie licenzij i padpisańnie pahadnieńniaŭ pa imparcie kandytarskich vyrabaŭ pastupajuć, ale ich ŭzhadnieńnie i afarmleńnie patrabuje davoli doŭhaha času».
«Pa imparcie piva padpisana 22 pahadnieńni, Minhandlu pavinna było vydać nie mienšuju kolkaść licenzij», — raspaviała Kraviec.
Ukrainski bok ličyć licenzavańnie na dadzienuju pradukcyju «dyskryminacyjnymi i niedružalubnymi dziejańniami z boku Biełarusi». U pryvatnaści, asacyjacyja ŭkrainskich kandytaraŭ «Ukrkandpram» zaklikała ŭrad Ukrainy pryniać adekvatnyja miery ŭ adkaz.
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»12
Kamientary