«Naftahaz» padaŭ pazoŭ u Stakholmski arbitraž, patrabujučy ŭstanaŭleńnia spraviadlivaj i rynkavaj cany na haz, jaki pastaŭlajecca «Hazpromam» va Ukrainu.
«U pazovie taksama ŭtrymlivajecca patrabavańnie spahnać z AAT «Hazprom» pierapłatu za haz, jaki rasijski manapalist pastaŭlaŭ NAK «Naftahaz Ukrainy» z 2010 hoda», — havorycca ŭ paviedamleńni NAK.
Pavodle acenak kampanii, takaja pierapłata składaje 6 miljardaŭ dalaraŭ.
Z 1 krasavika cana na haz dla Ukrainy vyrasła z 268,5 dalaraŭ da 485 dalaraŭ za tysiaču kubamietraŭ (praduhledžana kantraktam ad 2009 hoda) paśla admieny dźviuch źnižak. Kijeŭ nastojvaje na canie ŭ 268,5 dalara.
Raniej u paniadziełak «Hazpram» paviedamiŭ, što sam źviarnuŭsia ŭ Stakholmski mižnarodny arbitraž z pazovam da «Naftahazu» ab spahnańni zapazyčanaści ŭ pamiery 4,5 miljarda dalaraŭ. Akramia taho, rasijski chołdynh z 9:00 paniadziełka ŭvioŭ režym pieradapłaty pastavak hazu va Ukrainu. Jeŭrapiejskija spažyŭcy ŭ ciapierašni čas atrymlivajuć rasijski haz u poŭnym abjomie.
Kamientary