«Нафтагаз» падаў пазоў у Стакгольмскі арбітраж, патрабуючы ўстанаўлення справядлівай і рынкавай цаны на газ, які пастаўляецца «Газпромам» ва Украіну.
«У пазове таксама ўтрымліваецца патрабаванне спагнаць з ААТ «Газпром» пераплату за газ, які расійскі манапаліст пастаўляў НАК «Нафтагаз Украіны» з 2010 года», — гаворыцца ў паведамленні НАК.
Паводле ацэнак кампаніі, такая пераплата складае 6 мільярдаў даляраў.
З 1 красавіка цана на газ для Украіны вырасла з 268,5 даляраў да 485 даляраў за тысячу кубаметраў (прадугледжана кантрактам ад 2009 года) пасля адмены дзвюх зніжак. Кіеў настойвае на цане ў 268,5 даляра.
Раней у панядзелак «Газпрам» паведаміў, што сам звярнуўся ў Стакгольмскі міжнародны арбітраж з пазовам да «Нафтагазу» аб спагнанні запазычанасці ў памеры 4,5 мільярда даляраў. Акрамя таго, расійскі холдынг з 9:00 панядзелка ўвёў рэжым перадаплаты паставак газу ва Украіну. Еўрапейскія спажыўцы ў цяперашні час атрымліваюць расійскі газ у поўным аб'ёме.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары