Hienieralny sakratar NATA: Zdajecca, Rasija razhladaje mahčymaść dalejšaha ŭvarvańnia va Ukrainu
Hienieralny sakratar NATA Anders Foh Rasmusen paćviardžaje novaje naroščvańnie ŭzbrojenych siłaŭ Rasii na ŭkrainskaj miažy i ličyć jaho «vielmi sumnym krokam nazad».
Pra heta jon zajaviŭ 19 červienia paśla vystupu ŭ Karaleŭskim instytucie mižnarodnych adnosin u Łondanie, paviedamlaje pres-sakratar Paŭnočnaatłantyčnaha aljansu Aana Łunhiesku u svaim Twitter.
«Ja mahu paćvierdzić, što my zaraz bačym novaje naroščvańnie ŭzbrojenych siłaŭ Rasii na ŭkrainskaj miažy, jašče niekalki tysiač vajennasłužačych», — cytuje Hienieralnaha sakratara aficyjny pradstaŭnik NATA.
Hienieralny sakratar NATA taksama adznačyŭ, što Rasija svaimi dziejańniami sprabuje źmianić mižnarodnaje zakanadaŭstva.
«Rasijskaja ahresija na ŭschodnich terytoryjach Ukrainy — heta sproba pierapisać mižnarodnyja praviły i adnavić svoj upłyŭ na rehijon», — skazaŭ Andres Foh Rasmusen.
Pavodle jaho słoŭ, pavieličeńnie prysutnaści rasijskich vajskoŭcaŭ na miažy z Ukrainaj vyhladaje tak, byccam Rasieja «razhladaje mahčymaść dalejšaha ŭvarvańnia».
«Kali ich naroščvajuć, kab zakryć miažu i spynić patok zbroi i bajevikoŭ, heta było b stanoŭčym krokam. Ale heta nie toje, što my bačym. Zdajecca, što Rasija razhladaje mahčymaść dalejšaha ŭvarvańnia», — ličyć Rasmusen.
U suviazi z hetym, hienieralny sakratar NATA vykazaŭ upeŭnienaść u tym, što, kali «Rasija budzie ŭmiešvacca i ŭ dalejšym, mižnarodnaja supolnaść pavinna ćviorda reahavać». «Heta aznačaje bolš hłybokija sankcyi, jakija b mieli niehatyŭny ŭpłyŭ na Rasiju», — dadaŭ jon.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary