Fanaty salihorskaha «Šachciora» pryniali rašeńnie bajkatavać chatnija matčy kamandy. Pra heta havorycca ŭ pabliku fanataŭ «Šachciora» ŭ sacyjalnaj sietcy «Vkontaktie», dzie siońnia źjaviŭsia zvarot da ŭsich aktyŭnych fanataŭ salihorskaha «Šachciora»:
«U suviazi ź vielmi składanymi adnosinami z pradstaŭnikami «pravaparadku» arhanizavanaj padtrymki na chatnich matčach salihorskaha Šachciora nie budzie. Nam nadakučyŭ pastajanny nieadekvatny pres z boku ludziej u šerym, na stadyjon ludziej prapuskajuć pa pryncypie «ty projdzieš, a ty mnie nie padabaješsia, ty nie projdzieš», dla mnohich našych chłopcaŭ zaraz źjaŭleńnie na stadyjonie raŭnasilna 15-i sutak aryštu, pra što nie saromiejučysia kažuć nam sami milicyjanty. Vyniki ich ruplivaj pracy možna nazirać užo jaki miesiac, chatni siektar pamienšyŭsia amal udvaja. Nam taki futboł nie patrebny! Zaklikajem usich admovicca ad naviedvańnia stadyjona ŭ ahulnym i ad piataha siektara ŭ pryvatnaści, pakul situacyja nie ŭrehulujecca. Kali stadyjon u ich paniaćci nie miesca zabavy, a režymny abjekt — chaj pilnujuć pustyja siektara.
Ale pakinuć biez padtrymki naš lubimy kłub my nie možam, tamu zaklikajem usich pavialičyć vyjaznuju aktyŭnaść. Fanat nie złačynca!»
Juraś Ziankovič raskazaŭ pra svajo vyzvaleńnie i šlach u ZŠA6
Kamientary