ZŠA znajšli ŭsio-taki rachunki Łukašenki?
Biełaruski ŭrad u aŭralnym režymie abmiarkoŭvaje ŭviadzieńnie ZŠA sankcyj u dačynieńni da rachunkaŭ kancernu «Biełnaftachim». Nijakich aficyjnych kamentaraŭ nakont mahčymych ekanamičnych nastupstvaŭ aficyjnyja asoby nie dajuć. Adnak, pavodle infarmacyi «Niezavisimoj haziety», stan, jaki panuje naviersie, całkam možna nazvać paničnym.
Biełaruski ŭrad u aŭralnym režymie abmiarkoŭvaje ŭviadzieńnie ZŠA sankcyj u dačynieńni rachunkaŭ kancerna «Biełnaftachim». Nijakich aficyjnych kamientaraŭ nakont mahčymych ekanamičnych nastupstvaŭ aficyjnyja asoby nie dajuć. Adnak, pavodle infarmacyi «Niezavisimoj haziety», stan, jaki panuje naviersie, całkam možna nazvać paničnym.
Śviedčańnie tamu – niervovaja reakcyja MZS Biełarusi. «Va ŭmovach niedružalubnych dziejańniaŭ z boku ZŠA Biełaruś budzie zmušanaja adekvatna reahavać», – zajaviŭ pres-sakratar hetaha viedamstva Andrej Papoŭ. «Administracyja Buša parušyła Miemarandum ab harantyjach biaśpieki ŭ suviazi z dałučeńniem Biełarusi da Damovy ab nieraspaŭsiudžańni jadziernaj zbroi ad 5 śniežnia 1994 hoda, u jakoj ZŠA ŭ abmien na admovu Biełarusi ad uładańnia jadziernaj zbrojaj abaviazalisia nie ŭžyvać da respubliki miery ekanamičnaha prymusu ŭ metach padnačaleńnia Biełarusi intaresam ZŠA», – ahučyŭ Papoŭ reakcyju aficyjnaha Mienska. Pavodle jaho słoŭ, u Miensku taksama ličać, što ZŠA parušyli dvuchbakovaje pahadnieńnie ab handlovych stasunkach, pavodle jakoha ZŠA abaviazalisia palapšać dostup biełaruskich tavaraŭ i pasłuh na amierykanski rynak i stvarać dla ich aptymalnyja kamiercyjnyja mahčymaści. Pres-sakratar MZS paviedamiŭ, što ŭrad ciapier vypracoŭvaje varyjanty adekvatnaha adkazu.
Ekanamisty tym časam kažuć, što paźbiehnuć u pierśpiektyvie prablem z raźlikami za rasiejskuju naftu možna, kali pačać prosta ciapier pieravod dalaravych karespandenckich rachunkaŭ z amierykanskich bankaŭ u jeŭrapiejskija. Usie naftavyja raźliki iduć u dalarach, tamu jany ŭvieś čas prachodziać praz ZŠA, a heta značyć, mohuć być błakavanyja. U vypadku ich pieravodu ŭ jeŭrapiejskija banki havorka moža iści tolki pra zatrymanyja płaciažy.
Vykazvajecca taksama prapanova pierajści na apłatu naftavych kantraktaŭ u jeŭra. Praŭda, słabaść hetaha varyjantu ŭ tym, što na naftavym rynku nie vykarystoŭvajuć hetuju valutu, a heta značyć, što zamiežnyja partniory mohuć admovicca pracavać ź Biełaruśsiu.
Praličyć pamiery niaščaścia zaminaje niekatoraja niavyznačanaść u dačynieńni koła subjektaŭ, jakich zakranuć sankcyi ZŠA. Z adnaho boku, naftapierapracoŭčyja pradpryjemstvy, jakija, ułasna kažučy, i źjaŭlajucca pakupnikami rasiejskaj nafty i pradaŭcami biełaruskich naftapraduktaŭ, u śpisie departamienta pa kantroli za zamiežnaj ułasnaściu (OFAC), apublikavanym na sajcie Minfina ZŠA, nie značacca. Z druhoha boku, kancerna jak subjekta haspadarańnia nie isnuje. Pa biełaruskim zakanadaŭstvie jaho farmujuć pradpryjemstvy. U dačynieńni da «Biełnaftachima» heta 50 pradpryjemstvaŭ, na jakich pracujuć 120 tys. čałaviek i zasiarodžanaje 25% usiaho biełaruskaha ekspartu. Całkam mahčyma, što za akijanam nie viedajuć hetych tonkaściaŭ, a kali raźbiarucca, udakładniać śfieru dziejańnia sankcyj. U hetym vypadku prablemy z raźlikami całkam realnyja.
U sieradzie ekanamična aktyŭnaj hramadskaści abmiarkoŭvajecca jašče adna pryčyna pierapałochu ŭ biełaruskim uradzie. «Mahčyma, ZŠA znajšli ŭsio-tki zamiežnyja rachunki, jakija faktyčna naležać Alaksandru Łukašenku», – vykazaŭ zdahadku adzin infarmavany ekśpiert u hutarcy z «NH».
Kamientary