Była prypynienaja jaho «supraćpraŭnaja dziejnaść», ale pracesualnaha rašeńnia pra zatrymańnie hramadzianina Biełarusi nie prymałasia.
Pra heta Jeŭraradyjo paviedamiła kiraŭnik pres-słužby Słužby biaśpieki Ukrainy Łada Safonava:
«Hety hramadzianin pracesualna zatrymany nie byŭ. Było spynienaje supraćpraŭnaje dziejańnie, praviedziena apytańnie, vyśviatleńnie ŭsich abstavinaŭ… My pra heta prainfarmavali i ŭsie dalejšyja rašeńni, z pryciahnieńniem kantaktaŭ na ŭzroŭni MZS — usio budzie vyrašanaje ŭ miežach pravavoha pola».
Dzie zaraz znachodzicca hramadzianin Biełarusi, jakoha SBU tolki «apytała», Łana Safonava adkazać nie zdoleła — maŭlaŭ, u pres-słužbie niama na hety kont nijakaj infarmacyi. A vyśviatlać, čamu ab supraćpraŭnych dziejańniach hramadzianina Biełarusi nie byŭ prainfarmavany biełaruski bok, kiraŭnica pres-słužby SBU nakiravała ŭ MZS Ukrainy.
U pres-słužbie źniešniepalityčnaha viedamstva Ukrainy pra incydent ź biełarusam u Adesie daviedalisia sa ŚMI — SBU im nijakich dakumientaŭ i papier dla pieradačy biełaruskamu boku nie nakiroŭvała. «Značycca, ruch hetych dakumientaŭ adbyvajecca pa-za viedama pres-słužby MZS», — kamientuje słovy kaleh z MZS pradstaŭnica SBU.
Jašče ŭčora prośbu pradastavić infarmacyju pra, nibyta, zatrymanaha ŭ Adesie hramadzianina Biełarusi biełaruskaja dypmisija va Ukrainie nakiravała ŭ SBU i MUS. Ale pakul nijakaha adkazu na zapyty biełaruskaha boku niama, skazaŭ ranicaj 8 lipienia kiraŭnik pres-słužby MZS Biełarusi Dźmitryj Mirončyk.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva2
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary