Alaksandr Łukašenka vyrašyŭ asabista acanić jakaść sałdackaj ježy padčas naviedvańnia 103-j asobnaj hvardziejskaj mabilnaj bryhady sił śpiecyjalnych apieracyj Uzbrojenych Sił Biełarusi.
Ahledzieŭšy sałdackuju stałovuju i zasłuchaŭšy dakład, jak arhanizavana charčovaje zabieśpiačeńnie Uzbrojenych Sił i sił śpiecyjalnych apieracyj, Alaksandr Łukašenka paprasiŭ ministra abarony dać jamu na sprobu niekalki suchich pajkoŭ i kansiervy. Jak było paviedamlena kiraŭniku dziaržavy, sioleta byli źmienienyja normy charčovych pajkoŭ vajskoŭcaŭ, jakija ŭličvajuć ich enierhazatraty.
Alaksandr Łukašenka pabyvaŭ taksama ŭ navučalnym korpusie, aznajomiŭšysia z abstalavańniem navučalnych kłasaŭ, uzbrajeńniem i ekipiroŭkaj vajskoŭcaŭ padraździaleńniaŭ śpiecyjalnaha pryznačeńnia. Kiraŭnik dziaržavy naviedaŭ šmatmetavy kompleks, jaki ŭjaŭlaje saboj haradok taktyka-śpiecyjalnaj padrychtoŭki i pavietrana-desantny kompleks. Jon pahladzieŭ, jak viadziecca padrychtoŭka bajcoŭ, i zastaŭsia zadavoleny ŭbačanym. Pa słovach kamandzira 103-j asobnaj mabilnaj bryhady, baza dazvalaje ažyćciaŭlać padrychtoŭku vajskoŭcaŭ na naležnym uzroŭni.
Biełaruscy pa pašparcie 120 hadoŭ. Ale ŭ knihu Hiniesa jaje nie zapišuć — i voś čamu3
Kamientary